नयाँ दिल्ली, 27 अप्रेल (हि.स.)। छत्तीसगढ़को बेमेतरा जिल्लाको बिरनपुर गाउँमा गत साल भएको बहुचर्चित हत्याकाण्डको जाँच सीबीआईले आफ्नो हातमा लिएको छ। बिरनपुर गाउँमा 08 अप्रेल 2023 मा दुई समुदायबीच हिंसा भएको थियो। यस हिंसामा वर्तमान भाजपा विधायक ईश्वर साहूका 23 वर्षीट छोरा भुवनेश्वर साहूको हत्या गरिएको थियो।
छत्तीसढ़मा विष्णुदेव सायको सरकारले सीबीआईबाट यस मामिलाको जाँच गराउने घोषणा गरेको थियो। केन्द्र सरकारले यसलाई स्वीकार गर्दै हिजो अधिसूचना जारी गरेको थियो। यसपछि अब सीबीआईले एफआईआर दर्ता गरेको छ। यस केसमा 12 जनालाई आऱोपित बनाइएको छ। यिनीहरू विरूद्ध आईपीसीको धारा 147, 148, 149, 336, 307, 302 र 120 बी अन्तर्गत केस दर्ता गरिएको छ।
छत्तीसग़ढ़को बेमेतरा जिल्लाको बिरनपुर गाउँमा साम्प्रदायिक हिंसामा भुवनेश्वर साहूको हत्या गरिएको मामिला साजा थानामा 08 अप्रेल 2023 मा पंजीकृत गरिएको थियो। एक गाउँको कक्षा 7-8 मा बढ्ने नानीहरू स्कूलबाट फर्किरहेका थिए, त्यही अवधि स्क्रेप शपमा काम गर्ने एक समुदायको केटाहरूले उसलाई कुटेको आरोप छ। जब पीड़ित आफ्नो साथीहरूको साथ दिउँसो उक्त समुदायको क्षेत्रमा गयो तब उक्त समुदायका सदस्यहरूले छप्परबाट ढुंगामुड़ा शुरू गरे। यस अवधि उसको टाउकोमा चोट लाग्यो, जसले गर्दा युवक जमीनमा लड्यो। यसपछि आरोपितहरू र अन्यले कथित रूपमा धारिलो छूरी र घातक हतियारले युवकको हत्या गरे।
जाँचमा स्थानीय पुलिसले नामित 12 आरोपित विरूद्ध आपराधिक साक्ष्य भेटायो र उनीहरूलाई पक्राउ गरियो। यस मामिलामा स्थानीय पुलिसले सक्षम अदालत समक्ष आरोप पत्र दर्ता गऱ्यो। वर्तमानमा सबै आरोपित न्यायिक हिरासतमा छन्। सीआरपीसीको धारा 173(8) अन्तर्गत मामिलालाई अघिको जाँचको निम्ति खुल्ला राखिएको थियो र अब यसलाई जाँचको निम्ति सीबीआईले आफ्नो कब्जामा लिएको छ।
सीबीआईले जुन आऱोपितहरू विरूद्ध जाँच आफ्नो हातमा लिएको छ, त्यसमा छत्तीसगढ़को बेमेतरा जिल्लाको थाना साजा, ग्राम शक्तिघाट निवासी नवाब खान, जलील खान, बसीर खान, मुख्तार मो., सफीक मोहम्मद,अब्दुल खान, अकबर खान, मो. जनाब, अयूब खान, निज़ामुद्दीन, रशीद खान र कल्लू खान सामेल छऩ्।
हिन्दुस्थान समाचार/भवानी