खरसाङ, 15 जनवरी (हि.स.)। खरसाङस्थित अरिङ्गले गाउँमा अवस्थित सार्वजनिक भवनमा गैर सरकारी संस्था भावना फाउण्डेशनको दोस्रो स्थापना दिवस सम्पन्न भयो। कार्यक्रमको पहिलो चरणमा पञ्चायत समिति सदस्य रिता राईको बाहुलीबाट दीप प्रज्वलन गरि कार्यक्रम शुभारम्भ गरियो भने भावना फाउण्डेशनलाई सहयोग पुऱ्याउने व्यक्तिहरूलाई संस्थाका सदस्यहरुले सम्मान स्वरूप सम्बर्द्धना जनाए। यसैगरी, खेलकुद एवं नृत्य कलाकारहरूलाई संस्थाले सम्बर्द्धना जनायो।
कार्यक्रममा बाल बालिकाहरूले सुन्दर नृत्य प्रस्तुत गरेर मनोरञ्जन गरेका थिए। कार्यक्रमलाई अथिति समाज सेवक नितेश खडका अनि नव युवा साहित्यकार रचिता छेत्रीले सम्बोधन गरे। भावना फाउण्डेशनका 2025 को वार्षिक क्यालेण्डर पनि संस्थाका सदस्यहरुले वितरण गरे। फाउण्डेशनका संस्थापक अध्यक्ष किरण लोरूङ राई संस्थाले गरेका सामाजिक कार्यहरुको विस्तृत जानकारी गराए।
हिन्दुस्थान समाचार / हनोक