नयाँ दिल्ली, 02 जनवरी (हि.स.)। भारतले गत महिना दक्षिणी प्रशान्त महासागरमा आएको विनाशकारी भूकम्पमा व्यापक स्तरमा ज्यान-मालको नोकसानले पीड़ित द्वीपीय देश वानुआतुलाई पाँच लाख अमेरिकी डलर (लगभग 4.28 करोड़ रूपियाँ) को तत्काल राहत सहायता दिने घोषणा गरेको छ।

विदेश मन्त्रालयले आज एक बयानमा भनेको छ, 17 दिसम्बर 2024 मा दक्षिण प्रशान्त महासागरमा वानुआतुको तट नजिक 7.4 तीव्रताको भूकम्प आयो, जसबाट भारी नोकसान भयो र ज्यानमाललाई क्षति पुग्यो। भारतले यस अभूतपूर्व आपदाबाट भएको क्षति र विनाशको निम्ति वानुआतुको सरकार र मानिसहरूप्रति आफ्नो गहिरो समवेदना व्यक्त गऱ्यो र यस कठिन समयमा हर सम्भव सहायता र सहयोग गर्ने आफ्नो तत्परता व्यक्त गऱ्यो।

विदेश मन्त्रालयले भन्यो, भारत-प्रशान्त द्वीप सहयोग मंच (एफआईपीआईसी) अन्तर्गत एक करीबी मित्र र भागीदारको रूपमा र वानुआतुका मैत्रीपूर्ण जनताको साथ एकजुटताको संकेतको रूपमा भारत सरकार राहत, पुनर्वास र पुनर्निर्माण प्रयासहरूको समर्थन गर्न 500,000 अमेरिकी डलरको राहत सहायता प्रदान गर्दछ।

सरकारी आकंड़ाहरू अनुसार, वानुआतुमा 1800 नन रेजिडेन्ट इण्डियन (एनआरआई) बस्छन्। गत लगभग डेढ़ वर्षमा 18 भारतीयले त्यहाँको नागरिकता हासिल गरेका छन्। वानुआतु भारतीयहरू र संयुक्त अरब अमीरातका मानिसहरूका लागि पोप्युलर डेस्टिनेशन बन्दै गइऱहेको छ। यहाँ सबैभन्दा बेसी यूरोपीय र एशियाई देशहरूका मानिसहरू बस्छन्। यो अन्य देशहरूको तुलनामा कम खर्चिलो छ र यहाँको पासपोर्टको माध्यमले विश्वका 55 देशमा यात्रा गर्नसकिन्छ।

हिन्दुस्थान समाचार / भवानी थामी