कोलकाता, 20 जनवरी (हि.स.)। पश्चिम बंगालको बहुचर्चित आरजी कर मेडिकल कलेज एवं अस्पतालमा महिला डाक्टरको साथ दुष्कर्म र हत्या मामिलामा सियालदह कोर्टले सोमवार अहम फसेला सुनायो। कोर्टले आरोपी सिविक भोलेन्टियर संजय रोयलाई आजीवन कारावासको सजाय सुनायो। जज अनिर्बाण दासले संजयलाई आफ्नो बाकीको जिन्दगी जेलमै बिताउनुपर्ने आदेश दिए।
सीबीआईका वकीलले यस मामिलालाई 'रेयर अफ द रेयरेस्ट' ठहर गर्दै फांसीको सजायको माग गरेका थिए। उनले तर्क दिए कि पीड़ित एक डाक्टर थिई, जो ड्यूटीमा थिइन्। यो न केवल परिवारको तर यो पूरा समाजको क्षति हो। संजयका उकीलहरूले फांसीको विरोध गर्दै दलील दिए कि कानून अन्तर्गत दोषीलाई सुध्रिने अवसर दिइनुपर्छ। जजले दुवै पक्षका दलीलहरू सुनेपछि भने, दोषीलाई जन्मकैदको सजाय दिएको छ। यस अन्तर्गत दोषीलाई आफ्नो अन्तिम साससम्म जेलमा बस्नुपर्नेछ।
आज सियालदह कोर्टको 210 नम्बर कोर्टरूममा सुरक्षाको कड़ा व्यवस्थाबीच सुनवाई भयो। यस अगाड़ी संजयले आफूलाई निर्दोष बताउँदै उसलाई फंसाइरहेको भन्यो। सजायको घोषणा हुन अगाड़ी पीड़िताका माता-पिता कोर्ट पुगे। उनीहरूले भने, यो उनीहरूको कानूनी लड़ाईको पहिलो कदम हो। उनीहरूको भनाई छ, संजय एक्लो दोषी होइन। यस मामिलामा कुनै प्रभावशाली व्यक्तिलाई बचाउने प्रय़ास भइरहेको छ।
मुख्यमन्त्री ममता ब्यानर्जीले पनि यस मामिलामा प्रतिक्रिया दिएकी छन्। ममताले भनिन्, उनले पनि यस जघन्य अपराध विरूद्ध प्रदर्शनमा भाग लिएकी थिइन् र दोषीलाई सख्त सजाय दिइने माग गरेकी थिइन्।
उल्लेख्य, गत 09 अगस्त 2024 मा आरजी कर मेडिकल कलेज एवं अस्पतालमा ड्यूटीमा तैनात एक महिला डाक्टरको साथ बलात्कार र हत्या गरिएको थियो। यस घटनाको विरोधमा राज्य र देशभरि व्यापक आन्दोलन भएको थियो। मामिलामा दोषी संजय रोय, जो अस्पतालमा सिविक भोलेन्टियरको रूपमा कार्यरत थियो। उसलाई पक्राउ गरिएको थियो। पहिले यस मामिलाको छानबीन राज्य पुलिसले गरिरहेको थियो। पछि उसलाई सीबीआईलाई सुम्पिएको थियो।
हिन्दुस्थान समाचार / भवानी थामी
