मुख्यमन्त्री तामाङले भारतीय महिला फुटबल यू-17 दललाई बधाई दिए
गान्तोक, 19 अक्टूबर (हि.स.)। मुख्यमन्त्री प्रेमसिंह तामाङले भारतीय महिला फुटबल यू-17 दललाई एशियन कपको लागि योग्य बनेकोमा हार्दिक बधाई दिएका छन्।
मुख्यमन्त्री तामाङले आज सामाजिक सञ्जाल फेसबुक पोस्टमा भारतीय महिला यू–१७ एशियन कप २०२६ का लागि योग्यता हासिल गरेको समाचारप्रति खुशी व्यक्त गरेका छन्। उनले सिक्किमकी छोरी, नाम्चेबुङ, पाकिम निवासी अभिष्टा बस्नेतले भारतीय टोलीको गर्विलो सदस्यका रूपमा महत्वपूर्ण भूमिका खेलेकी उल्लेख गरेका छन्।
मुख्यमन्त्रीले भारतीय महिला यू–१७ फुटबल टोली र अभिष्टा बस्नेतलाई हृदयदेखि बधाई तथा शुभकामना दिएका छन्। उनले भारतीय टोलीलाई आगामी यात्रामा निरन्तर सफलता र अझ ठूलो गौरवको कामना गरेका छन्।
हिन्दुस्थान समाचार / बिशाल
सम्बन्धित समाचार
