नयाँ दिल्ली, २२ अक्टोबर (हि.स.)। बलिउडका अभिनेता गोवर्धन असरानीको निधनपछि चलचित्र संसारबाट अर्को दुःखद खबर आएको छ। प्रख्यात अभिनेता एवं गायक ऋषभ टण्डनको आज यहाँ हृदयघातका कारण निधन भएको छ। उनी ३५ वर्षका थिए। ऋषभ टण्डनलाई मञ्च नाम ‘फकीर’ बाट पनि चिनिन्थ्यो। उनको असामयिक निधनले भारतीय फिल्म र संगीत क्षेत्रमा स्तब्ध छ।
ऋषभका नजिकका साथीले सामाजिक सञ्जालमा उनको निधनको पुष्टि गरेका छन्। उनले बताए अनुसार, ऋषभ परिवारसँग दिवाली मनाउन मुम्बईबाट दिल्ली आएका थिए, जहाँ उनलाई अचानक हृदयघात भयो। डाक्टरहरूको सम्पूर्ण प्रयासको बाबजुद पनि उनलाई बचाउन सकिएन।
ऋषभ टण्डनको असामयिक निधनले उनको परिवारका साथै उनका प्रशंसकहरुलाई पनि गहिरो चोट लागेको छ। सामाजिक सञ्जालमा फ्यानहरूले निरन्तर उनका पुराना भिडियो, गीत र सम्झनाहरू साझा गर्दै छन्। धेरैले उनलाई ‘आवाजको फकीर’ भनेर श्रद्धाञ्जली अर्पण गरेका छन्।
ऋषभका गीतहरूमा भक्ति र समर्पणको झलक पाइन्थ्यो। उनको सबैभन्दा लोकप्रिय गीत ‘शिव ताण्डव स्तोत्रम’ ले उनलाई नयाँ परिचय दिएको थियो। यस गीतले सामाजिक सञ्जाल र म्युजिक प्लेटफर्ममा करोडौं भ्युज प्राप्त गर्यो र उनी देशभर प्रसिद्ध भए। अन्य हिट गीतहरूमा ‘धू धू करके’, ‘फकीर की जुबानी’ र ‘ये आशिकी’ समावेश छन्। उनको स्वरमा अनौठो गहिराइ र भावनाहरूको समावेश थियो, जसले उनलाई समकालीन गायकहरूबाट अलग बनाउँथ्यो।
भगवान शिवका परम भक्त थिए ऋषभ
ऋषभ केवल कलाकार मात्र नभई भगवान शिवका परम भक्त पनि थिए। उनी प्रायः अन्तरवार्ता र सामाजिक सञ्जाल पोस्टमा भन्थे कि उनका प्रेरणा र ऊर्जा स्रोत महादेव नै हुन्। उनका गीतहरूमा पनि शिव भक्ति स्पष्ट देखिन्थ्यो। उनले भन्थे, मेरो गीतमा यदि शान्ति छ भने, त्यो शिवको कृपाको कारण हो।
सामाजिक सञ्जालमा ठूलो फ्यानबेस
‘फकीर’ नामले लोकप्रिय ऋषभका सामाजिक सञ्जाल प्लेटफर्महरूमा लाखौं फलोअर्स थिए। उनका फ्यानहरूले उनका लाइभ सेसन र आध्यात्मिक संगीतको सबैले प्रतिक्षा गर्थे। उनी सामाजिक सञ्जालमा जीवन, प्रेम र अध्यात्मसँग सम्बन्धित कुरा साझा गर्थे, जसले उनलाई युवाहरूमाझ पनि लोकप्रिय बनाएको थियो। संगीत क्षेत्रमा धेरै ठूला कलाकारहरूले उनको निधनमा संवेदना व्यक्त गरेका छन्। धेरै म्युजिक डाइरेक्टरहरूले उनलाई साँचो कलाकार बताउँदै व्यावसायिक सफलता भन्दा बढी आत्मिक संगीतमा विश्वास गर्ने कलाकारको रूपमा सम्झेका छन्।
---------------
हिन्दुस्थान समाचार / भवानी थामी
