कोकराझार (असम), २५ अक्टोबर (हि.स.)। असमको कोकराझार जिल्लास्थित सालाकाटी पुलिस चौकीअन्तर्गत नादांगगुरीमा आज बिहान भएको भिडन्तमा एक माओवादी मारिएको छ। पुलिस अधीक्षक पुष्पराज सिंहले यस घटनाको पुष्टि गरेका छन्।

मारिएको माओवादीको पहिचान उकिल हेम्ब्रमको रूपमा गरिएको छ। पुलिसका अनुसार, २३ अक्टोबरमा कोकराझारको सालाकाटीमा भएको रेलवे लाइनमा आईईडी विस्फोट घटनामा उकिल हेम्ब्रमको संलग्नता रहेको थियो। हाल पुलिस घटनास्थलको विस्तृत अनुसन्धानमा जुटेको छ।

मुख्यमन्त्री डा. हिमन्त बिस्व सरमाले विस्फोट भएको दिन नै आरोपीको पहिचान भएको दाबी गरेका थिए। त्यसपछि उनलाई पक्राउ गर्न पुलिसको अपरेशन लगातार जारी थियो।

२३ अक्टोबरमा कोकराझार नजिकै अलीपुरद्वार डिभिजनअन्तर्गत पूर्वोत्तर सीमान्त रेलवे (पूसीरे) क्षेत्रमा भएको आईईडी विस्फोटबाट रेलवे ट्र्याकलाई गम्भीर क्षति पुगेको थियो।

हिन्दुस्थान समाचार / भवानी थामी