गान्तोक, 09 अक्टोबर (हि.स.)। श्रम तथा रोजगार मन्त्रालय अन्तर्गतको कर्मचारी राज्य बीमा निगम (ईएसआईसी) ले आज सिक्किमको गान्तोकको तादोङमा एक पत्रकार सम्मेलनको आयोजना गर्यो। यो सम्मेलनको उद्देश्य नियोक्ता तथा कर्मचारीहरूको पञ्जीकरणलाई बढ़ावा दिने योजना (एसपीआरईई), 2025 को बारेमा जागरूकता फैलाउनु थियो।
पीआईबीद्वारा आज जारी विज्ञप्ति अनुसार, यो ईएसआईसीको एक विशेष पहल हो, जसको उद्देश्य अपञ्जीकृत कर्मचारी र ती सबै पात्र कर्मचारीहरूलाई स्व-पञ्जीकरणको लागि प्रोत्साहित गर्नु हो, जसले ईएसआईसीमा पञ्जीकरण गराएका छैनन्। एसपीआरईई 2025 अपञ्जीकृत नियोक्ता र कर्मचारीहरू, जसमा संविदा र अस्थायी कर्मचारीहरूका लागि निरीक्षण वा पहिलाको बक्यौताको मागको सामना नगरी नामाङ्कनको एक अवसर हो।
1 जुलाई, 2025 देखि लागू गरिएको यो योजना 31 दिसम्बर, 2025 सम्म चल्नेछ, जसले नियोक्ताहरूलाई ईएसआईसी पोर्टल, श्रम सुविधा र एमसीए पोर्टलको माध्यमद्वारा डिजिटल रूपमा आफ्ना एकाई र कर्मचारीहरूलाई पञ्जीकरण गर्न अनुमति दिन्छ, जसको पञ्जीकरण नियोक्ताले घोषित मितिदेखि मान्य मानिनेछ। यस योजनाका विशेषताहरूमा पञ्जीकरण हुनुभन्दा अगाडिको अवधिको लागि आवेदन दिने कुनै योगदान वा लाभ समावेश छैन, र पूर्व-पञ्जीकरण अवधिको लागि पछिल्ला रेकर्डहरूको लागि कुनै निरीक्षण वा माग गरिने छैन।
पत्रकार सम्मेलनमा सिक्किम र पश्चिम बङ्गालका क्षेत्रीय कार्यालयका अतिरिक्त आयुक्त तथा क्षेत्रीय निर्देशक अमरीश कृष्ण शर्मा, ईएसआईसीका बीमा आयुक्त प्रणय सिन्हा, ईएसआईसीका उपनिर्देशक अनमोल आनन्द र ईएसआईसीका सहायक निर्देशक राजीब दास उपस्थित थिए।
सम्मेलनले एसपीआरईईका धेरै पहल र लाभार्थी योजनाहरूमाथि प्रकाश पाऱ्यो, जसमा एसपीआरई 2025 मा विशेष जोड दिइएको थियो। अनमोल आनन्दले ईएसआईसी अन्तर्गत पञ्जीकरण भएका गर्भवती महिलाहरूका लागि विशेष लाभहरूथि पनि प्रकाश पारेका थिए।
पत्रकारहरूसँग भएको अन्तरक्रियात्मक सत्रमा सहभागी प्यानलका सदस्यहरू र अमरीश कृष्ण शर्माले सिक्किमका प्रत्येक कर्मचारी र रोजगारदातालाई ईएसआईसीमा नामाङ्कन हुन र यसका सुविधाहरूको आनन्द लिन प्रोत्साहित गरे। उनले जोड दिए अनुसार एसपीआरईई 2025 ले पूर्वव्यापी दण्डको डर हटाएर र पञ्जीकरण प्रक्रियालाई सहज बनाएर स्वैच्छिक अनुपालनलाई प्रोत्साहित गर्दछ।
कार्यक्रममा ईएसआईसीका प्रतिनिधि र वरिष्ठ अधिकारी, राज्य र केन्द्र सरकारका कार्यालयका अधिकारी, पत्रकार र अन्य हितधारकहरू उपस्थित थिए।
हिन्दुस्थान समाचार / बिशाल
09 Oct 2025
जिल्ला शासक र डेपुटी चेयरम्यानद्वारा चन्द्रमानधुरा र फूलबारीको होप टाउन क्षेत्रको निरीक्षण
09 Oct 2025
