श्रीनगर, 10 नोभेम्बर (हि.स.)। जम्मू-कश्मीर पुलिसले पक्रा परेका डाक्टरहरूको खुलासापछि हरियाणाबाट विस्फोटक सामग्रीको एक भण्डार र एक असोल्ट राइफल जफत गरिएको बताएको छ।

पुलिस सूत्रहरू अनुसार, एक समन्वित प्रय़ासले विस्फोटक बनाउनमा प्रय़ोग हुने लगभग 300 किलो सामग्री, एक एके-47 राइफल र गोला-बारूद जफत गरियो। यो मामिला हरियाणाको फरीदाबादमा गरिएको कारबाही र पक्रा परेका डाक्टरहरूसित जोड़िएको जाँचसित सम्बन्धित छ।

यस अभियानमा जम्मू-कश्मीर पुलिसले प्रतिबन्धित आतङ्कवादी नेटवर्कसित सम्बन्ध राखेको सन्देहमा दुई डाक्टरलाई पक्राउ गरेको छ। त्यसमध्ये एक डा. अदील अहमद राथर पुत्र अब्दुल मजीद राथर निवासी काजीगुन्ड, 24 अक्टोबर 2024 सम्म अनन्तनागको सरकारी मेडिकल कलेजमा सीनियर रेजिडेन्टको रूपमा कार्यरत थियो। दोस्रो डाक्टर डा. मुजम्मिलमाथि पनि यही नेटवर्कसित जोड़िएको आरोप छ र उलाई उत्तर प्रदेशबाट पक्राउ गरिएको थियो। पुलिसले आर्म्स एक्टको धारा 7/25 र गैरकानूनी गतिविधिहरू (रोकथाम) अधिनियम (यूएपी) का धेरै धाराहरू (13, 28, 38, 39) अन्तर्गत प्राथमिकी दर्ता गरेको छ।

हिन्दुस्थान समाचार / भवानी थामी