अहमदाबाद, 10 नोभेम्बर (हि.स.)। गुजरातको गान्धीनगर र पालनपुरबाट पक्रा परेका तीन आईएसआईएस (इस्लामिक स्टेट अफ इराक एण्ड सीरिया) आतङ्कीहरूबारे एकपछि अर्को छक्क पार्ने खुलासा भइरहेको छ। यी पक्रा परेका आतङ्कीहरूले लखनऊ स्थित राष्ट्रिय स्वयंसेवक संघ (आरएसएस) कार्यालय र दिल्लीको आजादपुर बजारको रेकी गरेका थिए। तीनै आतङ्की सोशल मीडियाको माध्यमले एक-अर्काको सम्पर्कमा आए औं बद्ला लिनुछ, केही गर्नुछ, धेरै मुसलमानहरूलाई एकत्र गर्नुछ जस्ता कुराहरू गर्थे। आतङ्की आजाद सुलेमान शेख र मोहम्मद हुलैलले पहिले पनि अहमदाबादका संवेदनशील क्षेत्रहरू र भीड़भाड़ रहने ठाउँहरूको रेकी गरेका थिए।गुजरात आतङ्कवाद निरोधी दस्ता (एटीएस) ले गए दिन केन्द्रिय एजेन्सीहरूको साथ एक संयुक्त अभियानमा अहमदाबाद निकट आईएसआईएससित सम्बन्धित यी तीनै आतङ्कीलाई पक्राउ गरेको थियो। यिनीहरूले गुजरात र देशभरिमा ठूला आतङ्की हमलाहरूको षड़यन्त्र रचिरहेका थिए। यिनीहरूको पहिचान आजाद सुलेमान शेख, मोहम्मद सुहैल र अहमद मोहिउद्दीन सैयदको रूपमा गरियो।सूत्रहरू अनुसार, यी आतङ्कीहरूले लखनऊस्थित राष्ट्रिय स्वयंसेवक संघको कार्यालय र दिल्लीका भीड़ रहने आजादपुर बजारको रेकी गरिरहेका थिए। दुवै ठाउँको आतङ्की हमलाको सम्भावित ठेगानाहरूको रूपमा चयन गरिएको थियो। जाँचमा थाहा लागेको छ, शेख र सुहैलले राजस्थानको हनुमानगढ़बाट हतियार एकत्र गरी गान्धीनगरको एक कब्रिस्तानमा लुकाएका थिए। यहीबीच हैदराबाद निवासी मोहिउद्दीन यी हतियारहरूको साथ फर्किनै लागेको थियो कि गुजरात एटीएसले कारबाही गर्दै उलाई पक्राउ गऱ्यो। उदेखि 4 विदेशी पेस्तोल, 30 कारतूस र 40 लीटर अरन्डीको तेल जफत गरियो। मोहिउद्दीनको मोबाइल फोनको जाँच गर्दा उसका दुई साथीहरूको सम्पर्क र पूरा मोड्यूलको गतिविधिहरूबारे थाहा लाग्यो। यसपछि एटीएसले अन्य दुई आतङ्कीलाई पनि पक्राउ गऱ्यो।गुजरात एटीएसका डीआईजी सुनील जोशी अनुसार, अहमद मोहिउद्दीन सैयद एक उच्च शिक्षित व्यक्ति हो, जसले चीनबाट एमबीबीएसको पढ़ाई पूरा गरेको छ। उ आईएसआईएस-खुरासान प्रान्तको सदस्य अबू खादिमको सम्पर्कमा आएको थियो, जसले उलाई भारत विरोधी गतिविधिहरूका लागि धन जुटाउने र भर्ती अभियान चलाउने काम सुम्पेको थियो। पुलिसले यो पनि जानकारी पाएको छ कि मोहिउद्दीनले साइनाइडबाट एक विषालु पदार्थ तयार गर्ने प्रय़ास गरिरहेको थियो। एटीएसले अहिले हतियारहरूको आपूर्ति कसरी गरियो र यस नेटवर्कसित जोड़िएको अन्य स्लीपर सेल कहाँ सक्रिय छ, यसको पत्तो लगाउनमा जुटेको छ।

हिन्दुस्थान समाचार / भवानी थामी