चण्डीगढ़, २७ नोभेम्बर (हि.स.)। गुरदासपुरमा काङ्ग्रेस नेताको दोकानमा गोली चलाएको आरोपमा कंवलजीत सिंह उर्फ लवजीत सिंहलाई भिड़न्तपछि पुलिसले पक्राउ गरेको छ।

बटालाका एसएसपी मेहताब सिंहका अनुसार, कंवलजीत सिंह बब्बर खालसा इन्टरनेशनलसँग जोडिएका छन्। उनको साथबाट एक पेस्तोल र हमलामा प्रयोग गरिएको मोटरसाइकल बरामद गरिएको छ।

२१ नोभेम्बरमा गुरदासपुरस्थित बटाला शहरमा गौतम गुड्डू सेठको मोबाइल दोकानमा दुई अज्ञात मोटरसाइकल सवार युवाहरूले फायरिङ गरेका थिए।

पुलिसलाई कंवलजीत डेरा बाबा नानक नजिकको शाहपुर गाउँतर्फ मोटरसाइकलमा गइरहेको सूचना प्राप्त भएको थियो। पुलिसले घेराबन्दी गरेपछि आरोपीले पुलिसमाथि गोली चलाउन शुरु गर्‍यो। जवाबी फायरिङमा कंवलजीत सिंह घाइते भएर लडे र त्यसपछि उनलाई पक्राउ गरिएको एसएसपीले बताए।

एसएसपी सिंहका अनुसार, आरोपीका सम्पर्क र नेटवर्कको खोजी जारी छ र उसका एक साथीलाई पहिले नै पक्राउ गरिएको छ।

---------------

हिन्दुस्थान समाचार / भवानी थामी