नयाँ दिल्ली, 07 नोभेम्बर (हि.स.)। केन्द्रिय अन्वेषण ब्यूरो (सीबीआई) ले पञ्जाबका पूर्व पुलिस महानिदेशक मोहम्मद मुस्तफा, उनकी पत्नी र पूर्व पीडब्ल्यूडी मन्त्री रजिया सुल्ताना, मृतककी पत्नी र बहिनी समेत चार जना विरूद्ध छोरा अखिल अख्तरको संदिग्ध परिस्थितिमा भएको मृत्यु मामिलामा बिहिवार हत्याको आरोपको एफआईआर दर्ता गऱ्यो।

ब्यूरो अनुसार, अखिल अख्तरको 16 अक्टोबरमा संदिग्ध परिस्थितिहरूमा मृत्यु भएको थियो। उनी मोहम्मद मुस्तफा र रजिया सुल्तानाको छोरा थिए औं पंचकूलाको सेक्टर-चारमा मनसा देवी मन्दिर निकट बस्थे।

एजेन्सीले भऩ्यो, परिवारभित्र लामो समयदेखि तनाव चलिरहेको थियो। 27 अगस्तमा अखिल अख्तरले सोशल मीडियामा एउटा भीडियो पोस्ट गरेका थिए। यसमा उनले आफ्नो पिता र आफ्नी पत्नीबीच अवैध सम्बन्धहरूको आरोप लगाएका थिए। भीडियोमा उनले यो पनि भनेका थिए कि उनकी आमा र बहिनी समेत पूरा परिवारले उनलाई मार्ने वा कुनै झूठो मामिलामा फंसाउने षड़यन्त्र रचिरहेको छ।

हरियाणा सरकारले 20 अक्टोबरमा दर्ता एफआईआर संख्या 131 (थाना मनसा देवी कम्प्लेक्स, पंचकूला) को जाँच सीबीआईलाई सुम्पेको थियो।

हिन्दुस्थान समाचार / भवानी थामी