वाहन दुर्घटनामा दुईजनाको मृत्यु, चार घाइते
गेजिङ, 04 फरवरी (हि.स.)। बर्मेकदेखि गेजिङ गइरहेको एउटा वाहन रूङदुमा दुर्घटनाग्रस्त हुँदा दुई जनाको घटनास्थलमै मृत्यु भएको छ भने चार जना गम्भीररूपमा घाइते भएका छन्।
दुर्घटनामा रूङदु निवासी वाहन चालक विष्णु कुमार शर्मा र दुई माइल निवासी कुमार मुखियाको घटनास्थलमै मृत्यु भएको छ। वाहनमा कुल छ जना यात्री सवार रहेका थिए, जसमध्ये बाँकी चार घाइतेलाई उपचारका लागि गेजिङ जिल्ला अस्पतालमा भर्ना गरिएको छ।
यस घटनाको सूचना पाउनसाथ क्षेत्र विधायक लोकनाथ नेपाल घटनास्थलमा पुगेका थिए। प्राप्त जानकारी अनुसार, स्थानीय मानिसहरूको सहयोगमा शवहरू र घाइते यात्रुलाई घटनास्थलबाट उद्धार गरेर अस्पताल लगिएको थियो।
दुर्घटनाको कारण भने हालसम्म थाहा लागेको छैन। यसबारेमा गेजिङ पुलिसले अनुसन्धान गरिरहेको बताइएको छ।
हिन्दुस्थान समाचार / प्रदीप
सम्बन्धित समाचार
14 Mar 2025