नयाँ दिल्ली, 21 मार्च (हि.स.)। जिम्बाब्वेकी किर्स्टी कोवेन्ट्री अन्तरराष्ट्रिय ओलम्पिक समिति (आईओसी) को नयाँ अध्यक्षमा निर्वाचित भएकी छिन्। उनी 131 वर्षको इतिहासमा यो पदमा पुग्ने पहिलो महिला र पहिलो अफ्रिकी बनेकी छिन्। साथै, उनी यो पदभार ग्रहण गर्ने सबैभन्दा युवा उम्मेदवार पनि हुन्।

जिम्बाब्वेको खेलकुद मन्त्रीको रूपमा काम गरिसकेकी 41 वर्षीय कोवेन्ट्रीले 23 जुनमा आधिकारिक रूपमा पदभार ग्रहण गर्नेछन्। उनले थोमस बाखको स्थान लिनेछिन्, जसले आफ्नो अधिकतम 12 वर्षको कार्यकाल पूरा गरिसकेका छन्।

कोवेन्ट्रीले पहिले पनि आईओसीमा महत्त्वपूर्ण भूमिका निर्वाह गरिसकेकी छिन्। उनले 2018 देखि 2021 सम्म बाखको नेतृत्वमा रहेको कार्यकारी बोर्डमा खेलाडी प्रतिनिधिको रूपमा काम गरेकी थिइन्।

उनको नियुक्ति ओलम्पिक आन्दोलनको लागि ठूलो परिवर्तनको संकेत हो। उनलाई आगामी आठ वर्षको लागि यो जिम्मेवारी दिइएको छ। खेलकुद र विश्वव्यापी राजनीतिलाई सन्तुलनमा राख्ने, 2028 को लस एन्जलस ओलम्पिकको तयारीलाई सहज बनाउने र 2036 को ओलम्पिकको लागि आयोजक शहर छनौट गर्ने जस्ता धेरै महत्त्वपूर्ण चुनौतीहरू उनी समक्ष छन्। यो कार्यक्रम आयोजना गर्ने दौडमा भारत र मध्यपूर्व प्रमुख दावेदार मानिएको छ।

हिन्दुस्थान समाचार / भवानी थामी