मुम्बई, 15 अप्रेल (हि.स.)। फिल्म अभिनेता सलमान खानको कारलाई बमले उड़ाउने धम्की दिने व्यक्ति गुजरात निवासी र मानसिक रोगी निस्कियो। यसैले पुलिसले उसलाई नोटिस दिएर सोधपुछको निम्ति मुम्बई आउनु भनेको छ।
पुलिस सूत्रहरूले मंगलवार जानकारी गरायो, सलमान खानलाई आएको धम्कीपूर्ण फोनको कल ट्रेसपछि यो कल गुजरात राज्यको वडोदराको वाघोडिया तहसीलमा स्थित एउटा गाउँबाट गरिएको थाहा लाग्यो। धम्की दिने व्यक्तिको पहिचान 26 वर्षीय मयंक पान्ड्याको रूपमा गरिएको छ। यसपछि मुम्बई पुलिसको टीम सोमवार तत्काल वाघोडिया पुग्यो र उसलाई हिरासतमा लिएर सोधपुछ गर्नचाह्यो। त्यही समय पुलिसलाई थाहा लाग्यो कि धम्की दिने व्यक्ति मानसिक रूपमा बिमार छ र उसको उपचार चलिरहेको छ। यसैले पुलिसले उसलाई नोटिस दिएर सोधपुछको निम्ति मुम्बई आउनु भनेको छ।
वस्तुतः सम्बन्धित व्यक्तिले मुम्बई पुलिसको ट्राफिक पुलिस व्हाट्सएप हेल्पलाइन ग्रुपमा सलमान खानको कारलाई बमले उड़ाउने र वाई-प्लस सुरक्षा प्राप्त व्यक्तिको घरभित्र पसेर हमला गर्ने धम्की दिएको थियो। यसपछि वरली पुलिस स्टेशनमा भारतीय न्याय संहिताको धारा 351(2)(3) (आपराधिक धम्की) अन्तर्गत अज्ञात व्यक्ति विरूद्ध मामिला दर्ता गरेको छ र बान्द्रा क्षेत्रमा खानको घर बाहिर सुरक्षा कड़ा गरिएको छ।
हिन्दुस्थान समाचार / भवानी थामी
