बीजापुर, २१ सेप्टेम्बर (हि.स.)। छत्तीसगढ़को बीजापुरमा सुरक्षाबलको संयुक्त टोलीले सञ्चालन गरेको खोजी अभियानका क्रममा भैरमगढ़को उतला जंगलमा सोमवार जमीनमुनि लुकाएर राखिएको नक्सलीहरूको हतियारको भण्डार जफत गरेको छ।

बीजापुरका पुलिस अधीक्षक उमेश प्रसाद गुप्ताले घटनाको पुष्टि गर्दै आत्मसमर्पण गरेका नक्सलीहरूसँगको सोधपुछ तथा पुनर्वास नीति अन्तर्गत सञ्चालन भइरहेका सामाजिक कार्यक्रमबाट सकारात्मक परिणाम देखिन थालेको बताए।

पुलिस अधीक्षकको निर्देशन तथा अतिरिक्त पुलिस अधीक्षक (नक्सल) अमन झाको नेतृत्वमा भैरमगढ़ पुलिस थानाबाट पुलिस बल र जिल्ला रिजर्भ गार्ड (डीआरजी) को संयुक्त टोलीलाई उतला गाउँको जंगलमा खोजी अभियानका लागि पठाइएको थियो। अभियानका क्रममा जंगलमा शंकास्पद स्थान पहिचान गरियो। सुरक्षा मापदण्ड पालना गर्दै सुरक्षाकर्मीहरूले उक्त स्थानमा खन्ने क्रममा जमीनमुनि गाड़ेर राखिएको नक्सलीहरूको हतियारको भण्डार फेला पारे।

जफत सामग्रीमा एक एके-४७ राइफल, एक .३१५ बोर राइफल, एक सट राइफल, एक ९ एमएम पेस्तोल, दुई एके-४७ म्यागजिन, ४५ एके-४७ को जिउँदो कारतूस, २५ ९ एमएमको जिउँदो कारतूस, .३१५ बोर राइफलका ६ जिउँदो कारतूस तथा अन्य नक्सली सामग्री रहेका छन्।

सुरक्षाकर्मीहरूले अत्यन्त सतर्कता र सुरक्षित तरिकाले उक्त हतियार तथा गोलीगठ्ठा बाहिर निकाले। खोजी अभियानमा खटिएको टोलीले जफत हतियार तथा गोलीगठ्ठालाई सुरक्षित रूपमा भैरमगढ़ पुलिस थानामा ल्याएको छ, जहाँ थप कानूनी कारबाही अघि बढ़ाइएको छ।

हिन्दुस्थान समाचार / भवानी थामी