पटना, 02 अप्रेल (हि.स.)। राष्ट्रिय जनता दल (ऱाजद) सुप्रीमो लालू प्रसाद यादव अचानक अस्वस्थ भएका छन्। ब्लड शुगर बढ़ेको कारण उनी अस्वस्थ भए, जसपछि डाक्टरहरूले उनलाई उपचारको निम्ति दिल्ली जाने सुझाउ दिएका छन्।

लालू यादव गत दुई दिनदेखि ब्लड शुगर बढ्ने समस्यासॅंग जुझिरहेका छन्। बुधवार बिहान उनी अझ् अस्वस्थ भए, जसपछि डाक्टरहरूको एक टीम पटनास्थित राबड़ी आवासमा उनको निगरानीमा जुटेको छ। चिकित्सकहरू अनुसार, उनको स्थितिमाथि लगातार नजर राखिँदैछ र छिट्टै नै उनलाई दिल्ली पठाउन सकिन्छ।

पटना स्थित 10 सर्कुलर रोड राबड़ी आवासमा डाक्टरहरूको टीमले उनको उपचार गरिरहेको छ। एयर एम्बुलेन्सको व्यवस्था गरिरहेको जानकारी छ। छिट्टै नै उनलाई उपचारको निम्ति एयर एम्बुलेन्समा दिल्ली लैजान सकिन्छ। अहिले डाक्टरहरूको टीमले उनको अवस्था स्थिर रहेको बताएको छ।

राजनीतिक रूपमा हेर्दा, हालका दिनमा लालू प्रसाद यादव निक्कै सक्रिय देखिएका थिए। तेजस्वीको निम्ति माहोल बनाउनका लागि उनले जिल्लाहरूको दौड़ाह पनि गरिरहेका थिए। यति मात्र होइन पटनामा मुस्लिम पर्सनल ला बोर्डको धरना स्थलमा पनि देखिएका थिए। उनले अल्पसंख्यकहरूसॅंग बसेर उनीहरूको हौसला पनि बढ़ाएका थिए। यस्तो स्थितिमा अचानक आज लालू प्रसाद यादव अस्वस्थ भएको खबर आएको छ, जुन उनका समर्थकहरूका लागि चिन्ताको विषय हो।

हिन्दुस्थान समाचार / भवानी थामी