पाकिम, 16 जून (हि.स.)। जनजाति बसोबासो गर्ने क्षेत्रहरूलाई समग्ररूपमा दिगो विकास गर्ने उद्देश्यले आज पाकिम जिल्लामा धरती आभा जनजातिय ग्राम उत्कर्ष अभियानलाई लिएर एक समन्वय बैठक सम्पन्न भयो। पाकिम जिल्लाको जिल्ला प्रशासनिक केन्द्रको प्रेक्षागृहमा सम्पन्न भएको बैठकको अध्यक्षता अतिरिक्त जिल्लापाल (मुख्यालय) जीएल मिनाले गरेका थिए। यस अवसरमा मुख्य शिक्षा अधिकारी नारायण मिश्रा, पशुपालन एवम् पशुधन चिकित्सा सेवा विभागका संयुक्त निर्देशक डा. नेविदिता प्रधान लगायत विभिन्न विभागका अधिकारीहरूले सहभागिता जनाएका थिए।

बैठकको क्रममा विशेष जिल्लाभरि आयोजना गरिने धरती आभा अभियान जागरूकता र लाभ संतृप्ति शिविरको तयारीबारेमा छलफल गरियो। उक्त अभियान हिजो 15 जूनदेखि शुरू भएर 15 जुलाईमा समापन हुने भएको छ। यो कार्यक्रम राष्ट्रिय पहल अन्तर्गत प्रधानमन्त्री जनजाति आदिवासी न्याय महा अभियान र धरती आभा जनजातिय ग्राम उत्कर्ष अभियान अधिनस्थ शुरू गरिएको हो, जसको उद्देश्य जनजाति समुदायलाई व्यक्तिगतरूपमा उनीहरूको हक अधिकार प्रदान गरेर संतृप्ति सुनिश्चित गर्नु र ग्रामीणस्तरमा सरकारी योजनाहरूबारेमा जागरूक गराएर आदिवासी समुदायहरूलाई सशक्त बनाउने हो।

बैठकलाई सम्बोधन गर्ने क्रममा अतिरिक्त जिल्लापाल मिनाले यस अभियानले जिल्लामा जनजाति समुदाय बसोबासो गर्ने पाँचवटा चिन्हित गाउँलाई लक्ष्य राखेर काम गर्नुपर्ने बताए। यसका साथै, उनले यस अभियानका उद्देश्यहरू जस्तै लाभ संतृप्ति, समुदाय परिचालन, सशक्तिकरण, जागरूकता, वास्तविक-समय अनुगमन, र अभियान अन्तर्गत विभिन्न गतिविधिहरूको कार्यान्वयनबारेमा छलफल गरे।

हिन्दुस्थान समाचार / प्रदीप