- पत्र सूचना कार्यालयले प्रचार प्रयासहरूलाई बढाउन आईएमपीसीसी बैठक बोलायो

गान्तोक, 15 जुलाई (हि.स.)। पत्र सूचना कार्यालय, गान्तोकको तत्त्वावधानमा सूचना तथा जनसम्पर्क विभाग (आईपीआरडी), गान्तोकको सम्मेलन हलमा आज अन्तर-मिडिया प्रचार समन्वय समिति (आईएमपीसीसी) बैठक आयोजना गरियो। बैठकको सह-अध्यक्षता सिक्किम सरकारको आईपीआरडी निर्देशक उमेश सुनाम र पीआईबी तथा क्षेत्रीय समाचार एकाइ, आकाशवाणी गान्तोकका सहायक निर्देशक मानस प्रतिम शर्माले गरेका थिए। उक्त जानकारी आज पीआईबीले दिएको छ।

यस अवसरमा बोल्दै सुनामले भने, आईएमपीसीसीको उद्देश्य केन्द्रिय र राज्य मिडिया एकाइहरू, सार्वजनिक उपक्रम र अन्य सङ्गठनहरूद्वारा गरिएका विभिन्न गतिविधि र पहलहरूलाई प्रदर्शित गर्नु हो। उनले एक मजबुत जनसम्पर्क नेटवर्क विकसित गर्नुपर्ने महत्त्वमाथि बल दिए तथा राम्रो मिडिया एकीकरण र तालमेलले वाञ्छित परिणाम प्राप्त हुने कुरामा जोड दिए। सुनामले आईपीआरडीद्वारा प्रदान गरिने विभिन्न प्लेटफर्महरूको पनि रूपरेखा प्रस्तुत गरे, जसको उपयोग विभिन्न विभागहरूले आफ्नो आउटरिच गतिविधिहरूलाई विस्तारका लागि गर्न सक्छन्।

शर्माले प्रचार प्रयासहरूमा आपसी समन्वय र सहयोगको महत्त्वपूर्ण भूमिकामाथि जोड दिए। उनले केन्द्र सरकारका सङ्गठनका प्रतिनिधिहरूलाई आवश्यक समन्वयलाई सहज बनाउन आ-आफ्नो विभागीय आउटरिच गतिविधि वा कार्यक्रमहरूको बारेमा अग्रिम जानकारी गराउन आग्रह गरे। शर्माले व्यापक दर्शकहरूसम्म पुग्नका लागि डिजिटल प्लेटफर्महरूको उपयोगको महत्त्वमाथि पनि जोड दिए। उनले बताए अनुसार, पत्र सूचना कार्यालय, गान्तोक सामाजिक सञ्जाल प्लेटफर्महरूमा सक्रिय छ र प्रतिनिधिहरूलाई अधिक दर्शकलाई जोड्नका लागि लघु भिडियो र रिलहरू साझा गर्न अनुरोध गरे।

स्थानीय केन्द्रिय मिडिया एकाइहरू, सशस्त्र सीमा बल (एसएसबी), भारत-तिब्बत सीमा पुलिस (आईटीबीपी), रिजर्भ ब्याङ्क अफ् इण्डिया (आरबीआई), भारतीय कृषि अनुसन्धान परिषद् (आईसीएआर), केन्द्रिय कृषि विश्वविद्यालय, दिव्याङ्गजनको कौशल विकास, पुनर्वास र सशक्तिकरणका लागि समग्र क्षेत्रीय केन्द्र, सूक्ष्म, लघु तथा मध्यम उद्यम मन्त्रालय (एमएसएमई), केन्द्रीय जल आयोग, माई भारत (एनवाईकेएस), युवा तथा खेलकुद मन्त्रालय, आयुष मन्त्रालय अन्तर्गत क्षेत्रीय आयुर्वेद अनुसन्धान संस्थान (आरएआरआई), मसला बोर्ड, केन्द्रीय एकीकृत कीट प्रबन्धन केन्द्र (सीआईपीएमसी), सफ्टवेयर टेक्नोलोजी पार्क अफ् इण्डिया (एसटीपीआई), गान्तोक र राष्ट्रिय कृषि तथा ग्रामीण विकास ब्याङ्क (नाबार्ड), राष्ट्रिय साङ्ख्यिकी कार्यालय (एफओडी, आरओ), मसला बोर्ड र महालेखापालको कार्यालयका प्रमुख तथा प्रतिनिधिहरूले आईएमपीसीसी बैठकमा भाग लिएका थिए।

हिन्दुस्थान समाचार / बिशाल