धुबड़ी, 04 जुलाई (हि.स.)। राज्यमा गौमांस विरूद्ध जारी सख्त अभियानबीच केही असामाजिक तत्व अहिलेपनि गौमांसको अवैध आपूर्तिमा लिप्त छन्। यस्तो लाग्छ कि यी तस्करहरूले असम पुलिसलाई खुल्ला चुनौती दिइरहेका छन्। छिमेकी राज्य पश्चिम बंगालबाट असममा प्रतिबन्धित गौमांसको आपूर्ति लगातार जारी छ।

शुक्रवार बिहान गौरीपुर थाना अन्तर्गत बालाजान पुलिस चेक पोस्टका प्रभारी अधिकारी उत्तम रायको नेतृत्वमा पुलिसको एक टीमले निर्माणाधीन 127-बी चारलेन राष्ट्रिय राजमार्गमा अभियान चलायो। अभियानमा पश्चिम बंगालको गौरीपुरतर्फबाट आइऱहेको एक स्कूटी (डब्ल्यूबी 63 डी 0084) लाई रोकिने संकेत दिइयो तर चालकले पुलिसको आदेशको अवहेलना गऱ्यो। यसपछि पुलिसले स्कूटीलाई पछ्याएर रोक्यो र त्यसबाट 30 किलो प्रतिबन्धित गौमांस जफत गऱ्यो।

पुलिसले स्कूटी चालकलाई पक्राउ गऱ्यो, जसको पहिचान पश्चिम बंगालको तूफानगंज निवासी सय्यद अली मियांको छोरा नजमल मियांको रूपमा भएको छ। मामिलामा अघिको कानूनी प्रक्रिया शुरू गरिएको छ।

हिन्दुस्थान समाचार / भवानी थामी