नयाँ दिल्ली, 08 जुलाई (हि.स.)। भारतीय जनता पार्टी (भाजपा) ले राष्ट्रपति द्रोपदी मुर्मूमाथि कांग्रेस अध्य़क्ष मल्लिकार्जुन खरगेको टिप्पणीलाई अपमानजनक बताएको छ। यो बयान कांग्रेसको दलित विरोधी मानसिकताको परिचायक हो, भाजपाले भन्यो।
भाजपाका राष्ट्रिय प्रवक्ता गौरव भाटियाले मंगलवार पार्टी मुख्यालयमा प्रेस कन्फ्रेन्समा भने, खरगेले राष्ट्रपति पदको बारम्बार अपमान गर्छन्। जुन राहुल गान्धीले संविधान हातमा लिएर हिँड्छन्, उसैको इशारामा खरगेले यस्तो आपत्तिजनक टिप्पणी गर्छन्। आज भारतको हरेक नागरिकले यसको निन्दा गरिरहेको छ।
भाटियाले भने, खरगे द्रौपदी मुर्मूलाई मुर्माजी भन्छन् र पूर्व राष्ट्रपति रामनाथ कोविन्दलाई कोविड बोलाउँछन्। खरगेले द्रौपदी मुर्मूलाई भू-माफिया बताउँछन्, भन्छन्- उनी हाम्रो जमीन र जंगल खोस्न राष्ट्रपति बनेकी हुन्। राहुल गान्धीको इशारामा खरगेले जुन आदिवासी एवं दलित विरोधी, महिला विरोधी र संविधान विरोधी बयान दिइरहेका छन्, त्यसको पूरा देशले विरोध गरिरहेको छ।
उनले भने, जब कोही कड़ा मेहिनत गरी देशको सर्वोच्च संवैधानिक पदमा पुग्छ तब कांग्रेस नेताहरूलाई आरिश लाग्नथाल्छ। जब अधीर रन्जन चौधरीले राष्ट्रपतिलाई “राष्ट्रपतिनी” भने तब पत्रकारहरूले उनको घोर आलोचना गरे तर उनलाई पछुतो भएन। किनभने यी नेताहरूलाई केवल एउटै काम गर्नु आउँछ- कांग्रेस नेतृत्व सामू निहुरिनु। उनीहरूलाई गरिमाको कुनै खयाल छैन, संवैधानिक पदहरूको कुनै सम्मान छैन।
हिन्दुस्थान समाचार / भवानी थामी
