नयाँ दिल्ली, 08 जुलाई (हि.स.)। कांग्रेस प्रवक्ता सुप्रिया श्रीनेतले मंगलवार मोदी सरकारमाथि भारतीय प्रतिभूति र विनिमय बोर्ड (सेबी) लाई कमजोर बनाएको आरोप लगाइन्। उनले भनिन्, देशका तमाम संस्थाहरू मोदी सरकारमा लगातार कमजोर भइऱहेका छन् र यसमा सबैभन्दा प्रमुख नाम सेबीको छ। श्रीनेतले आरोप लगाइन्, सेबीको नाकमुनि व्यापक स्तरमा घोटाला भयो, जसबाट आम निवेशकहरूलाई भारी नोकसान बेहोर्नुपर्यो।

उनले अमेरिकी अल्गो (एएलजीओ) ट्रेडिङ कम्पनी जेन स्ट्रीटको उदाहरण दिँदै भनिन्, यो कम्पनी भारतको शेयर बजार र डेरिवेटिव मार्केटमा एकसाथ अवैध रूपमा अपरेट गरिरहेको थियो र भारी मुनाफा कमाइरहेको थियो। 03 जुलाईमा सेबीले एक अन्तरिम आदेश जारी गऱ्यो, जसमा जेन स्ट्रीट र उसका चार सहयोगी कम्पनीहरूलाई भारतमा ट्रेडिङ गर्नदेखि रोकियो र कम्पनीको 4,844 करोड़ रूपियाँ जफत गरियो। यो आदेश जनवरी 2023 देखि मार्च 2025 बीच केवल 18 ट्रेडिङ सेशनहरूको जाँचको आधारमा जारी गरियो।

उनले दाबी गरिन्, यही अवधिमा जेन स्ट्रीटले लगभग 44,000 करोड़ रूपियाँको अवैध लाभ कमायो तर जफत गरिएको राशि यसको 10औं हिस्सा पनि छैन। यस घोटालाको चेताउनी राहुल गान्धीले अगावै दिइसकेका थिए तरैपनि यसको कारबाहीमा ढिलाई भयो।

हिन्दुस्थान समाचार / भवानी थामी