खरसाङ, 04 अगस्त (हि.स.)। तीनधारे हिल 10 किलोमिटर रनको प्रमोशनको लागि दार्जिलिङदेखि तीनधारेसम्म प्रमोशनल रन सम्पन्न भएको छ। तीनधारेमा आगामी 7 सेप्टेम्बरमा हुने हिल 10 किलोमिटर रनको लागि हिमालयन रनर घुम दार्जिलिङका 35-40 जना रनरहरुले बिहान 3 बजी दार्जिलिङदेखि तीनधारेसम्म दौड लगाए।
आयोजक समितिको तर्फबाट धावकहरूलाई सभासद नवराज छेत्री, युवराज सुन्दास र अन्यले स्वागत जनाएका थिए। सबै रनरहरुलाई आयोजक समितिको तर्फबाट तीनधारेको महात्मा गाँधी हलमा स्वागत जनाइएको थियो।
उल्लेखनीय छ, तीनधारेमा आगामी 7 सेप्टेम्बरमा हिल 10 किलोमिटर रन ड्रग्समुक्त हिल र ड्रग्स रोकथामको लागि साथै स्वास्थ्य नै धन हो भन्ने उद्देश्यका साथमा भारतीय गोर्खा प्रजातान्त्रिक मोर्चा तीनधारे महानदी समष्टि र तीनधारे नर्सको संयुक्त आयोजनामा हुन गइरहेको छ। उक्त रनलाई लिएर हालमा ट्रायल रन साथै प्रमोशनल रन आयोजना भइरहेको छ।
हिन्दुस्थान समाचार / हनोक
