नयाँ दिल्ली, 19 सेप्टेम्बर (हि.स.)। दिल्ली नगरनिगमको दक्षिणी जोनले शुक्रवार सैदुलाजाब क्षेत्रमा स्वच्छता औ पर्यावरण जागरूकतालाई प्रोत्साहित गर्नको लागि “स्वच्छता नै सेवा” ऱ्यालीको आयोजनगऱ्यो। यस पहलमा दुई सयभन्दा अधिक मानिसहरूले भाग लिए जसमा ठूलो संख्यामा स्कूलका विद्यार्थी, स्वयंसेवक, आरडब्ल्यूए सदस्य औ निगम अधिकारीहरू सामेल थिए।

साकेत मेट्रो स्टेशनबाट शुरू भएको सो ऱ्याली पर्यावरण कम्प्लेक्स नजिकमा पुगेर समापन भयो। यस अवधि सामुदायिक शौचालय एकाई (सीटीयू)-हरूको सफाई, वृक्षारोपण तथा महरौली–बदरपुर रोडमा मैला-कुचैला उठाउने जस्ता गतिविधि गरियो। क्षेत्रमा मैला-कुचैलालाई हटाउनको लागि केही लोडर र मशिनहरूलाई प्रयोग गरियो। प्रतिभागीहरूलाई पर्यावरण अनुकूल आदतलाई प्रेरणास्वरूप टी-शर्ट, कपड़ाको ब्याग एवं बिरूवाहरू वितरण गरियो।

यस अवसरमा दिल्लीका मेयर राजा इकबाल सिंहले नागरिकहरूसित प्रधानमन्त्री नरेन्द्र मोदीको 75औं जन्मदिनमा आयोजित “सेवा पखवाड़ा”-मा व्यापक रूपमा भाग लिने अनि आ-आफ्नो क्षेत्रलाई स्वच्छ एवं हरियाली राख्ने संकल्प लिने अपील गरे। उनले भने, “दिल्लीलाई स्वच्छ एवं हरियाली राख्ने हाम्रो प्राथमिक कर्तव्य हो र यसको लागि सामूहिक प्रयासको खाँचो छ।।” कार्यक्रममा विधायक करतार सिंह तंवर, दक्षिणी ज़ोन अध्यक्ष उमेद सिंह औ उपायुक्त दिलखुश मीणा पनि उपस्थित थिए।

हिन्दुस्थान समाचार / उष्णता छेत्री शर्मा