लेह, 26 सेप्टेम्बर (हि.स.)। लेहमा भएको हिंसापछि स्थिति बिस्तारै सामान्य भइरहेको छ। जिल्लाभऱिमा लगाइएको प्रतिबन्धमा केही क्षेत्रहरूमा आंशिक रूपमा छूट दिइएको छ तर संवेदनशील क्षेत्रहरूमा अहिलेपनि कड़ा प्रतिबन्ध लागू छ। यदि स्थिति शान्तिपूर्ण रह्यो भने सोमवारदेखि स्कूल र कलेज फेरि खोल्लिने सम्भावना छ।

अधिकारीहरूले शुक्रवार जानकारी गराए, सामान्य जीवन बहाल गर्ने प्रयास जारी छ र सबै क्षेत्रहरूमा विश्वास बहाल भएपछि चरणबद्ध तरीकाले प्रतिबन्ध पूर्ण रूपमा हटाइनेछ। पुलिसले अहिलेसम्म 50 भन्दा धेरै जनालाई पक्राउ गरेको छ। हिरासतमा लिइएका मानिसहरूसित सोधपुछ जारी छ ताकि के अशान्ति फैलाउनमा कुनै बाहिरी एजेन्सीको कुनै भूमिका थियो भनेर पत्तो लगाउन सकियोस्।

लेहमा यस हप्ताको शुरूआतमा भड्केको हिंसामा चार जनाको मृत्यु भयो र दर्जनौं सुरक्षाकर्मी घाइते भए। भीड़ले सरकारी कार्यालयहरूमाथि हमला गऱ्यो, वाहनहरूमा आगलागी गऱ्यो र पुलिसको साथ झड़प गऱ्यो। तबदेखि स्थिति तनावपूर्ण छ तर सुरक्षाबलहरूको लगातार तैनाती र संवेदनशील क्षेत्रहरूमा कड़ा निगरानीको साथ स्थिति नियन्त्रणमा छ।

यसबीच कारगिलमा शुक्रवार व्यावसायिक गतिविधिहरू फेरि शुरू गरियो र पछिल्ला दिन पूर्ण बन्दपछि बजार फेरि खोलियो। दोकानहरू र व्यावसायिक प्रतिष्ठान सामान्य रूपमा खोलियो, जुन जिल्लामा सामान्य जीवन फर्केको हो भन्ने संकेत हो। अधिकारीहरूले मानिसहरूसित शान्ति बनाएर राख्ने र सोशल मीडियामा अफवाहहरू वा भडकाउ सामग्रीले प्रभावित नहुने अपील दोहोऱ्याएको छ। उनले भने, लद्दाखमा शैक्षणिक संस्थानहरू, सरकारी कार्यालयहरू र व्यावसायिक प्रतिष्ठानहरूको निर्बाध संचालन गराउनु प्रशासनको प्राथमिकता हो।

हिन्दुस्थान समाचार / भवानी थामी