इम्फाल, 30 सेप्टेम्बर (हि.स.)। सुरक्षा बलहरूले गत 24 घण्टामा मणिपुरमा भिन्न भिन्नै ठाउॅंमा अभियान चलाएर तीन उग्रवादीलाई पक्राउ गरेको छ। यस अवधि हतियार, बुलेटप्रुफ सामग्री र नगद पनि जफत गरिएको छ।
पहिलो कारबाहीमा कांगलेई यावोल कन्ना लुपसॅंग जोडिएको उरिकिनबम प्रेमजीत सिंहलाई पाओना बजारबाट पक्राउ गरियो। काकचिंग जिल्लाको लामजाओ मयाई लेकाई निवासी सिंहमा घाटी क्षेत्रहरूमा दोकान र जनसाधारणबाट पैसा उठाउने गरेको आरोप छ। खोजी अभियानको क्रममा आरोपी व्यक्तिबाट मोबाइल फोन र नगद बरामद गरियो।
दोस्रो अभियानमा रिवल्यूशनरी पीपल्स फ्रण्ट/पिपल्स लिबरेशन आर्मीका क्याडर सनासाम सनतोम्बा सिंह उर्फ नाओटनलाई कडांगबंद मयाई लेकाई, इम्फालबाट पक्राउ गरियो। आरोपीबाट दुईवटा इन्सास एलएमजी म्यागजिन, दुई क्यामोफ्लाज हेलमेट, पॉंचवटा बुलेटप्रूफ प्लेट, चार बुलेटप्रूफ ज्याकेट र एउटा मोबाइल फोन जफत गरिएको छ।
तेस्रो कारबाहीमा बिष्णुपुर जिल्लाको खोजुमन मयाई लेकाई निवासी नाओशेकपम सनाथोई मैतेई उर्फ लइचिललाई पक्राउ गरिएको छ। उनी नेशनल रिवल्यूशनरी फ्रण्ट अफ् मणिपुरसॅंग जोडिएका छन्।
हिन्दुस्थान समाचार / बिशाल
