नयाँ दिल्ली, १४ जनवरी (हि.स.)। प्रधानमन्त्री नरेन्द्र मोदीले भोलि राष्ट्रमण्डल देशका लोकसभा अध्यक्ष तथा पीठासीन अधिकारीहरूको २८औँ सम्मेलनको उद्घाटन गर्नेछन्। उक्त कार्यक्रम संसद भवन परिसरस्थित संविधान सदनको केन्द्रिय कक्षमा आयोजना हुनेछ। सम्मेलनलाई प्रधानमन्त्रीले पनि सम्बोधन गर्नेछन्।

प्रधानमन्त्री कार्यालयका अनुसार, सम्मेलनको अध्यक्षता लोकसभा अध्यक्ष ओम बिरलाले गर्नेछन्। सम्मेलनमा ४२ राष्ट्रमण्डल देश तथा चार अर्ध–स्वायत्त संसदका गरी कुल ६१ जना स्पीकर तथा पीठासीन अधिकारीहरू सहभागी हुनेछन्।

सम्मेलनमा समसामयिक संसदीय विषयहरूमा विस्तृत विचार–विमर्श गरिनेछ। यसअन्तर्गत सशक्त लोकतान्त्रिक संस्थाहरूको निर्माणमा स्पीकर तथा पीठासीन अधिकारीहरूको भूमिका, संसदीय कार्यप्रणालीमा कृत्रिम बुद्धिमत्ताको प्रयोग, सांसदहरूमाथि सामाजिक सञ्जालको प्रभाव, संसदप्रति जनचेतना अभिवृद्धिका नवाचारहरू, तथा मतदानभन्दा अगाडि नागरिक सहभागिता प्रोत्साहित गर्ने रणनीतिहरू प्रमुख विषयका रूपमा समावेश रहनेछन्।

हिन्दुस्थान समाचार / भवानी थामी