कछार (असम), 0१ अक्टोबर (हि.स.)। असमका मुख्यमन्त्री डा. हिमन्त बिस्व सरमाले बिहिबार कछार जिल्लाअन्तर्गत कुम्बर चिया बगानमा ५९५ किलोवाट-पीक क्षमताको जमिनमा स्थापना गरिएको विद्युतीय ग्रिडसँग जोडिएको सौर्य ऊर्जा संयन्त्रको उद्घाटन गरेको छन्। यो संयन्त्र असमका चिया बगान क्षेत्रमा स्वच्छ ऊर्जा विस्तार गर्ने दिशामा महत्वपूर्ण कदम मानिएको छ।

यस अवसरमा मुख्यमन्त्री डा. सरमाले राज्य सरकारले चिया बगान पर्यटनलाई प्रवर्द्धन गर्नुका साथै चिया बगानलाई सौर्य ऊर्जासँग जोड्ने दिशामा काम गरिरहेको बताए। यसबाट चिया बगानहरू ऊर्जा क्षेत्रमा थप आत्मनिर्भर बन्न सक्ने उनले उल्लेख गरे।

ऐरेज इन्जिनियरिङका प्रमुख कार्यकारी अधिकृत अवकाशप्राप्त लेफ्टिनेन्ट जनरल एआर प्रसादका तर्फबाट रणवीर सिंहले मुख्यमन्त्री डा. सरमालाई परम्परागत असमिया गामोछा लगाएर स्वागत गर्नुभयो।

कार्यक्रममा लखीपुर विधानसभा क्षेत्रका विधायक तथा मन्त्री कौशिक राय, लोक स्वास्थ्य अभियांत्रिकी मन्त्री तथा पाथरकन्दी विधानसभा क्षेत्रका विधायक कृष्णेन्दु पाल, सिलचर विधानसभा क्षेत्रका विधायक डा. राजदीप राय, उधारबन्द विधानसभा क्षेत्रका विधायक राजदीप ग्वाला, कुम्बर चिया बगानका प्रबन्धक अनिल गुरुङ तथा सहायक प्रबन्धक जितुल चेतियालगायतको उपस्थिति थियो।

यस परियोजनामा टाटा पावर सोलार, गुडरिक, सस्टवेस्ट र ऐरेज इन्जिनियरिङको सहभागिता रहेको छ। ऐरेज इन्जिनियरिङले परियोजनामा स्थापना साझेदारको भूमिका निर्वाह गरेको छ। टाटा पावर नवीकरणीय ऊर्जा लिमिटेडका कुण्डल कान्त सिंह, अभिनन्दा बसु, सन्तोष सिंह र बलिराम तथा सस्टवेस्टका प्रमुख कार्यकारी अधिकृत हार्दिक र देवयांशको मार्गदर्शन एवं सामूहिक प्रयासबाट परियोजना अघि बढाइएको हो। संयन्त्र ऐरेज इन्जिनियरिङको टोलीले स्थापना गरेको हो, जसमा पूर्वसैनिक वीरेन्द्र र दिनेश पनि सहभागी छन्।

परियोजनाको विषय ‘प्रधानमन्त्रीको पञ्चामृत र मुख्यमन्त्रीको हरित असम लक्ष्यलाई गति’ राखिएको छ। यो परियोजना भारतको जलवायु प्रतिबद्धता तथा राज्यको स्वच्छ ऊर्जा कार्ययोजनासँग जोडिएको छ।

हिन्दुस्थान समाचार / बिशाल