गुवाहाटी, २३ अक्टोबर (हि.स.)। असमका मुख्यमन्त्री डा. हिमन्त विश्व शर्माले शुक्रवार ‘इलेक्ट्रोनिक ट्रान्सफर र्यान्डमाइजेसन सिस्टम’ (ईटीआरएस) शुरु गरेका छन्। यसको उद्देश्य वन विभागको सरुवा प्रक्रियामा पारदर्शिता, निष्पक्षता र कार्यकुशलता बढ़िउनु हो।

मुख्यमन्त्री कार्यालय अनुसार, यस प्रणाली मार्फत सरुवाका लागि योग्य २ हजार १३७ कर्मचारीको सरुवा गरिएको छ। यस प्रणालीमा मानवीय तथा प्रशासनिक आधारमा आवश्यक छुट दिने व्यवस्था पनि रहेको बताइएको छ।

यस पहलको उद्देश्य वन विभागभित्र सरुवा प्रक्रियालाई थप पारदर्शी र व्यवस्थित बनाउनु हो। यस अवसरमा असम सरकारका वनमन्त्री जयन्त मल्लबरुवा तथा विभागका अन्य वरिष्ठ अधिकारीहरू उपस्थित थिए।

हिन्दुस्थान समाचार / भवानी थामी