नयाँ दिल्ली, २५ अक्टोबर (हि.स.)। भारतीय जनता पार्टीका वरिष्ठ नेता तथा गृहमन्त्री अमित शाहले कांग्रेस अध्यक्ष मल्लिकार्जुन खरगेले पटनामा आयोजित कार्यक्रममा प्रधानमन्त्री नरेन्द्र मोदीबारे गरेको टिप्पणीको कड़ा आलोचना गरेका छन्।

उनले भने कि कांग्रेस अध्यक्ष मल्लिकार्जुन खरगेले आज पटनामा प्रधानमन्त्रीका पिताबारे अभद्र टिप्पणी गरेर सबै मर्यादाको सीमा उल्लङ्घन गरेका छन्। विगत १२ वर्षदेखि लगातार चुनावी हार बेहोर्दै आएको कांग्रेस पार्टीमा हताशा र निराशा यति बढ़ेको छ कि अब पार्टीसँग न कुनै नीति बाँकी छ, न कुनै मुद्दा। केवल गालीगलौजको राजनीति मात्र बाँकी रहेको छ।

सामाजिक सञ्जाल ‘एक्स’ मा एउटा पोस्ट गर्दै शाहले कांग्रेस पार्टीले प्रधानमन्त्री मोदी वा उनको परिवारलाई अपशब्द प्रयोग गरेको यो पहिलो पटक नभएको बताए। पार्टीका नेताहरूले कहिले प्रधानमन्त्रीकी पूजनीय आमाबारे अपशब्द बोल्ने गरेका छन् भने कहिले उनलाई ‘मौत का सौदागर’ र कहिले ‘चायवाला’ भनेर उनको गरिबीको उपहास उड़ाउने गरेका छन्। राहुल गान्धीको नेतृत्वमा कांग्रेस पार्टीले हरेक दिन अभद्रताको सीमा पार गर्दै गएको उनले बताए।

उनले भने कि जनाधार गुमाइसकेको कांग्रेसले अब आफ्ना कार्यकर्ताहरूमाझ पनि समर्थन गुमाउँदै गएको छ। जब-जब कांग्रेस नेताहरूले प्रधानमन्त्री मोदी वा उनको परिवारबारे घृणित टिप्पणी गरेका छन्, तब-तब जनताले कांग्रेसलाई कड़ा जवाफ दिएका छन्।

/ बिशाल