भोपाल, २५ अक्टोबर (हि.स.)। प्रधानमन्त्री नरेन्द्र मोदीले आइतवार आफ्नो लोकप्रिय कार्यक्रम ‘मन की बात’ मा मध्यप्रदेशको नर्मदापुरम जिल्लाकी शिवानीको परिवारले गरेको अङ्गदानको निर्णयको उल्लेख गरेका छन्। प्रधानमन्त्रीले परिवारको यस निर्णयको प्रशंसा गर्दै यसलाई सबैका लागि प्रेरणादायी बताएका छन्। यसका लागि मध्यप्रदेशका मुख्यमन्त्री डा. मोहन यादवले प्रधानमन्त्री मोदीप्रति आभार व्यक्त गरेका छन्। उनले मुख्यमन्त्री निवासमा बसेर कार्यक्रम सुने।

प्रधानमन्त्री नरेन्द्र मोदीले आइतवार ‘मन की बात’ को १३९औँ शृङ्खलामा देशमा चिकित्सा क्षेत्रमा भइरहेको अनुसन्धान र नवाचारबारे चर्चा गर्दै भने, “उन्नत अनुसन्धानमा अङ्गदानको निकै ठूलो भूमिका हुन्छ। जीवन पूरा भएपछि आफ्ना अङ्गदान गरेर जाने मानिसहरूले धेरैको जीवन बचाउनुका साथै अनुसन्धानलाई पनि सम्भव बनाउँछन्।”

उनले भने, “यस्तै एउटा उदाहरण मध्यप्रदेशको नर्मदापुरमकी शिवानीको हो। शिवानी सड़क दुर्घटनामा परेपछि उनको परिवारले कठिन समयमा पनि यस्तो निर्णय लियो, जुन हामी सबैका लागि प्रेरणा हो। यो निर्णय सड़क दुर्घटनामा घाइते भएकी शिवानीका अङ्गदान गर्ने विषयमा थियो। शिवानीको परिवारको यस निर्णयले समाज र देशलाई ठूलो सन्देश दिएको छ। मानवताको यस्तो एउटा कदमले कुनै परिवारमा फेरि खुसी फर्काउन सक्छ र अनुसन्धानका कार्यमा पनि ठूलो सहयोग पुर्याउँछ।”

उल्लेखनीय छ कि मध्यप्रदेशको नर्मदापुरम जिल्लाको बनखेड़ी खण्ड अन्तर्गत खापा खुर्द गाउँकी बासिन्दा शिवानी शर्मा सड़क दुर्घटनामा गम्भीर घाइते भएकी थिइन्। त्यसपछि उनलाई भोपाल स्थित अखिल भारतीय आयुर्विज्ञान संस्थान (एम्स) मा भर्ती गरिएको थियो, जहाँ चिकित्सकहरूले उनलाई मस्तिष्क मृत घोषित गरेका थिए। मस्तिष्क मृत घोषित भएपछि अत्यन्तै दुःखद घड़ीमा पनि परिवारले साहसिक र संवेदनशील निर्णय लिँदै उनका अङ्गदान गरेको थियो। यसबाट तीन जना गम्भीर बिरामीले नयाँ जीवन पाएका छन्।

हिन्दुस्थान समाचार / भवानी थामी