लखनऊ, 30 अक्टोबर (हि.स.)। भारतीय जनता पार्टी (भाजपा) ले उत्तर प्रदेशमा आगामी वर्ष 2027- को विधानसभा चुनाउको लागि आफ्नो तयारीलाई तीव्र बनाएको छ। भारतीय जनता पार्टीका प्रदेश अध्यक्ष तथा केन्द्रिय वित्त राज्यमन्त्री पङ्कज चौधरीले शुक्रवार डा. राम मनोहर लोहिया राष्ट्रिय कानुन विश्वविद्यालयमा आयोजित पार्टी कार्यसमितिको बैठकलाई सम्बोधन गर्दै सो जानकारी गराए। आगामी वर्ष 2027- को चुनाउ पूर्ण रूपमा पार्टीको सामूहिक जिम्मेवारी र नेतृत्वमा लड्ने उनले स्पष्ट पारे। राज्यमा ऐतिहासिक जीत दर्ता गर्दै भाजपाले एक पटक फेरि आफ्नो ह्याट्रिक पूरा गर्नेछ।
चुनावी रणनीतिलाई रेखाङ्कित गर्दै पङ्कज चौधरीले उत्तर प्रदेशका सबै 403 वटा विधानसभा सीटमा मुख्य प्रतिस्पर्धा भाजपासँग मात्र रहेको बताए। विपक्षीको जातीय समीकरण एवं न्यारेटिभमाथि कड़ा आक्रमण गर्दै उनले भने, विपक्षी दलहरूले समाजलाई जाति एवं उप-जातिमा विभाजन गर्न खोजिरहेका छन्, तर जनता विकास अनि बलियो कानून व्यवस्थाको पक्षमा एकजुट छन्। उनले स्मरण गराए, पछिल्लो वर्ष 2022- को चुनाउ भाजपाले आफ्ना सहयोगीहरूसँग मिलेर जितेको थियो भने यस पटक कार्यकर्ताहरूले वर्ष 2017-को भन्दा ठूलो जीतको लक्ष्य राखेका छन्।
सङ्गठनको शक्ति र अनुशासनमा विशेष जोड़ दिँदै प्रदेश अध्यक्ष चौधरीले भने, चुनाउको वास्तविक तयारी केही महिनाअघिको होइन, निरन्तर प्रक्रिया हो। यो कार्यकर्ताहरूको अथक परिश्रम र समर्पणबाट मात्र सम्भव हुन्छ। उनले सबै पदाधिकारी, जिल्ला अध्यक्ष र जनस्वास्थ्यका प्रतिनिधिहरूलाई 'जहाँ कमी, त्यहाँ हामी'- को नारा लिएर प्रत्येक बूथमा गएर सक्रिय हुने, मतदातासँग प्रत्यक्ष सम्वाद स्थापना गर्ने तथा जनताको गुनासो द्रुत रूपमा समाधान गर्ने आग्रह गरे।
उनले मुख्यमन्त्री योगी आदित्यनाथको कुशल नेतृत्व र विगत साढे नौ वर्षको उनको कार्यकालको प्रशंसा गर्दै भने, मुख्यमन्त्रीले राज्यको कुनै पनि विधानसभा सीटबाट चुनाउ लड़े पनि उनको शानदार विजय निश्चित छ। उनले कार्यकर्ताहरूलाई प्रधानमन्त्री नरेन्द्र मोदीको 'विकसित भारत- 2047' को व्यापक सङ्कल्पलाई ध्यानमा राख्दै पूर्ण ऊर्जा, नयाँ सङ्कल्प एवं अनुशासनको साथमा मैदानमा विपक्षीको भ्रामक प्रचारलाई उचित जवाफ दिने आग्रह गरे।
--------
हिन्दुस्थान समाचार / उष्णता छेत्री शर्मा
