कोलकाता, 14 नोभेम्बर (हि.स.)। पश्चिम बङ्गालको पूर्व मेदिनीपुर जिल्लामा प्रशासनिक स्तरमा ठूलो फेरबदल गरिएको छ। नन्दीग्राम-1 र नन्दीग्राम-2 का खण्ड विकास अधिकारी (बीडीओ)-हरूलाई क्रमशः हल्दिया र कान्थी नगरपालिकाको कार्यपालक अधिकारीको जिम्मेवारी हस्तान्तरण गरिएको छ। यस सम्बन्धमा राज्य सचिवालय, नवान्नले गए शुक्रवार अधिसूचना जारी गरेको छ।
राज्यको कार्मिक तथा प्रशासनिक सुधार विभागले जारी गरेको आदेशमा सात जना डब्ल्यूबीसीएस (कार्यकारी) अधिकारीहरूलाई स्थानान्तरण गर्ने घोषणा गरिएको छ। यस अन्तर्गत नन्दीग्राम-1 का बीडीओ सञ्जय सिकदरलाई हल्दिया नगरपालिकाको कार्यकारी अधिकारी नियुक्त गरिएको छ भने नन्दीग्राम-2 का बीडीओ देवोत्तम सरकारलाई कान्थी नगरपालिकाको कार्यकारी अधिकारी नियुक्त गरिएको छ।
अर्कोतिर सुजित चन्द्र लोढ़लाई नन्दीग्राम-1 को नयाँ बीडीओको जिम्मेवारी दिइएको छ। यसअघि उनी बाँकुड़ा जिल्लाको पात्रसायर ब्लकमा बीडीओका रूपमा कार्यरत थिए। उनी वर्ष 2021 ब्याचका अफिसर रहेको बताइएको छ। त्यसैगरी नन्दीग्राम-2 को नयाँ बीडीओ अभिक विश्वास हुनेछन्। उनी यसअघि पश्चिम मेदिनीपुर जिल्लाको घाटल ब्लकका बीडीओ थिए। उनी वर्ष 2019 ब्याचका अधिकारी हुन्।
स्थानान्तरणको क्रममा मुर्शिदाबाद जिल्लाको रघुनाथगञ्ज- दुईका बीडीओ शुभमय माझीलाई पश्चिम मेदिनीपुरको घाटल ब्लकमा पठाइएको छ भने बाँडुड़ाका डिप्टी मेजिस्ट्रेट सुकान्त कुमार गोस्वामीलाई मुर्शिदाबादको रघुनाथगञ्ज दुईको नयाँ बीडीओ नियुक्त गरिएको छ।
यसबाहेक मुर्शिदाबादका डिप्टी मेजिस्ट्रेट देवाशिष विश्वासलाई बाँडुड़ा जिल्लाको पत्रसायर ब्लकको नयाँ बीडीओ बनाइएको छ।
राज्य सरकारको यस आदेशले पूर्व मेदिनीपुरसँगसँगै पश्चिम मेदिनीपुर, बाँकुड़ा र मुर्शिदाबाद जिल्लाहरूमा प्रशासनिक स्तरमा परिवर्तन ल्याएको छ। सबै अधिकारीलाई नयाँ जिम्मेवारी लिने निर्देशन दिइएको छ।
--------
/ बिशाल
