
नयाँ दिल्ली, १८ नोभेम्बर (हि.स.)। टाटा समूहको विमान सेवा कम्पनी एयर इण्डिया एक्सप्रेसले दीपक राजावतलाई आफ्नो नयाँ मुख्य कार्यकारी अधिकारी (सीईओ) नियुक्त गरेको छ।
कम्पनीले बुधवार दिएको जानकारीअनुसार, राजावतको नियुक्ति आगामी १ दिसम्बरदेखि लागू हुनेछ। उनी हाल एयर इण्डिया एक्सप्रेसमा मुख्य वित्त अधिकारी (सीएफओ) को जिम्मेवारी सम्हालिरहेका छन्। राजावतसँग हवाई सेवा तथा वित्तीय क्षेत्रमा दुई दशकभन्दा बढीको अनुभव रहेको छ।
एयर इण्डिया एक्सप्रेसले प्रतिदिन करिब ५८५ उडान सञ्चालन गर्दै आएको छ। यी उडानमार्फत ४८ वटा घरेलु तथा १७ वटा अन्तरराष्ट्रिय गन्तव्यलाई जोडिएको छ। कम्पनीको विमान बेडामा बोइङ ७३७ र एयरबस ए३२० गरी कुल १०८ वटा विमान रहेका छन्।
हिन्दुस्थान समाचार / बिशाल