
कोलकाता, 21 नोभेम्बर (हि.स.)। विश्व मत्स्य दिवसको अवसरमा पश्चिम बङ्गालका मुख्यमन्त्री शुभेन्दु अधिकारीले राज्यका सबै माछा पालक एवं माछुआरा समुदायका मानिसहरूलाई हार्दिक शुभकामना दिएका छन्। उनले शनिवार एक्सम एउटा सन्देश साझा गरी यस क्षेत्रसँग सम्बन्धित मानिसहरूप्रति आफ्नो शुभकामना व्यक्त गरे।
आफ्नो सन्देशमा मुख्यमन्त्रीले भने, विश्व मत्स्य दिवसको अवसरमा सबै माछा पालक तथा माछुआरा समुदायका मानिसहरूलाई हार्दिक शुभकामना।
उल्लेखनीय छ, विश्व मत्स्य दिवस प्रत्येक वर्ष 21 नोभेम्बरको दिन मनाइन्छ। यसको उद्देश्य दिगो मत्स्यपालन तथा जलीय कृषिको महत्त्वप्रति चेतना जगाउनु हो। यसले खाद्य एवं पोषण सुरक्षा सुनिश्चित गर्न, रोजगारका अवसरहरू सिर्जना गर्न तथा पारिस्थितिक सन्तुलन कायम गर्न मत्स्यपालनको भूमिकालाई पनि रेखाङ्कित गर्दछ।
विश्व मत्स्य दिवस- 2026 को विषयवस्तुमा मत्स्यपालन र जलीय कृषि क्षेत्रमा युवा एवं महिलाहरूका लागि सम्मानजनक रोजगारको अवसर बढ़ाउनु अनि परिवर्तनका लागि मानिसहरूलाई सशक्त बनाउनेमाथि जोड़ दिइएको छ।
भारत विश्वको दोस्रो ठूलो माछा उत्पादक देश हो। पछिल्लो दशकमा देशको माछा उत्पादन 96 लाख टनदेखि बढ़ेर 19 करोड 50 लाख टन पुगेको छ। माछा पालन क्षेत्र लाखौँ मानिसहरूको जीविकाको महत्त्वपूर्ण श्रोत हो।
--------
हिन्दुस्थान समाचार / उष्णता छेत्री शर्मा