काठमाडौँ, ०५ नोभेम्बर (हि.स.)। भारतीय विदेश सचिव विक्रम मिस्रीले बिहीबार बिहान नेपालका प्रधानमन्त्री बालेन्द्र शाहसँग सिंहदरबारस्थित प्रधानमन्त्री तथा मन्त्रिपरिषद्को कार्यालयमा शिष्टाचार भेटवार्ता गरेका छन्। यस क्रममा नेपाल र भारतबीचको ऐतिहासिक द्विपक्षीय सम्बन्धलाई अझ सुदृढ र विस्तार गर्ने विषयमा छलफल भएको छ।

दुईदिने औपचारिक भ्रमणका लागि बुधबार काठमाडौँ आइपुगेका विदेश सचिव मिस्रीले बिहीबार पनि उच्चस्तरीय भेटवार्तालाई निरन्तरता दिएका छन्। प्रधानमन्त्री शाहसँगको भेटमा उनले भारत सरकारका तर्फबाट नेपालको विकास र समृद्धिमा निरन्तर सहयोग गर्ने प्रतिबद्धता व्यक्त गरे। भेटवार्ताका क्रममा दुवै देशका पारस्परिक हित, सम्पर्क सञ्जाल, व्यापार तथा सांस्कृतिक सम्बन्धका विभिन्न पक्षमा सकारात्मक छलफल भएको थियो।

भारतीय विदेश सचिवको यस भ्रमणलाई कूटनीतिक दृष्टिकोणले महत्त्वपूर्ण मानिएको छ। विज्ञहरूका अनुसार, दुवै देशबीचका लम्बित मुद्दाहरूमा सहमति कायम गर्न तथा उच्चस्तरीय संवादलाई निरन्तरता दिन यस्ता भ्रमणहरूले सेतुको भूमिका निर्वाह गर्छन्।

हिन्दुस्थान समाचार / बिशाल