गुवाहाटी, ०६ नोभेम्बर (हि.स.)। गुवाहाटीको अहोमगाउँ क्षेत्रमा लागुऔषध तस्करी विरुद्ध अभियान सञ्चालन गर्दै पुलिसले तीन जनालाई पक्राउ गरेको छ। गरचुक थाना पुलिस र पश्चिम गुवाहाटी पुलिस जिल्ला (डब्ल्यूजीपीडी) को एसओजी टोलीले विश्वसनीय सूचनाका आधारमा संयुक्त अभियान चलाएर उनीहरूलाई पक्राउ गरेको हो।

पक्रा पर्नेहरूमा मणिपुरको काकचिङ जिल्ला स्थित सोरा निवासी हिम्मत खान (३०), बिष्णुपुर जिल्लाको क्वाकता निवासी मोहम्मद अचौबा (३५) र कामरूप जिल्लाको मुस्लिमपट्टी निवासी मन्नान अहमद (३२) रहेका छन्।

पुलिसले उनीहरूदेखि शङ्कास्पद हेरोइनले भरिएका चार वटा साबुनदानी जफत गरेको छ। प्याकिङ सामग्री सहित यसको कूल तौल १६६.०५ ग्राम र साबुनदानी बाहेक प्याकिङ सामग्री सहित १४८ ग्राम रहेको पुलिसले जनाएको छ।

यस बाहेक पुलिसले अगाड़ीको भाग क्षतिग्रस्त भएको सेतो रङको अल्टो ८०० कार (एएस-०१-एचसी-२८९९) र चार वटा मोबाइल फोन समेत जफत गरेको छ। जफत गरिएका मोबाइलमध्ये एउटा इन्फिनिक्स ५जी, एउटा क्षतिग्रस्त रियलमी र एउटा पोवा मोबाइल रहेका छन्।

यस मामिलामा पुलिसले कानूनी कारबाही अघि बढ़ाएको छ।

/ बिशाल