नयाँ दिल्ली, 07 फऱवरी (हि.स.)। केरलाका भारतीय कम्युनिस्ट पार्टी (भाकपा) का राज्यसभा सदस्य सन्दोष कुमार पी- ले शनिवार गृहमन्त्री अमित शाहलाई पत्र लेख्दै वायनाड जिल्लामा भएको विनाशकारी प्रैह्रोपछि केन्द्रिय सहयोग अपर्याप्त भएको बताए।

सन्दोष कुमारले पत्रमा भनेका छन् कि 30 जुलाई 2024 मा वायनाड जिल्लाको मेप्पडी पञ्चायतको चूरालमला, मुन्डक्काई र वरपरका क्षेत्रमा गएको पैह्रोले 400 भन्दा बढ़ी मानिसहरूको ज्यान लिएको थियो र हजारौं परिवारहरू प्रभावित भएका थिए। यस प्रकोपले घर, आजीविका र सार्वजनिक ढांचालाई ठूलो क्षति पुर्यााएको थियो, जसको परिणामस्वरूप सयौं करोड़ रुपियाँको क्षति भएको थियो।

उनले आरोप लगाए कि केरला सरकार, संसदमा उनको हस्तक्षेप र राज्यका अन्य सांसदहरूको अपीलको बाबजूद पनि केन्द्रिय सरकारले कुनै विशेष प्याकेज वा अनुदान सहायता प्रदान गरेन। यस्तो मानवीय त्रासदीको समयमा केन्द्रिय सरकारले केवल ऋण सहायताको प्रस्ताव गर्नुले यसको असंवेदनशीलता प्रदर्शन गर्दछ।

सीपीआई(एम) सांसदले भने, केन्द्रिय सहयोगको अभावका बाबजुद पनि केरलाको वाम लोकतान्त्रिक मोर्चा (एलडीएफ) सरकारले सामूहिक प्रयास र जनसमर्थन मार्फत प्रभावित परिवारहरूलाई पुनर्वास गरेको छ। स्थायी घर र पुनर्वास उपनिवेशहरूको निर्माण लगभग पूरा भएको छ र चाँड़ै प्रभावित परिवारहरूलाई हस्तान्तरण गरिनेछ।

कुमारले पत्रमा भनेका छन्, कुनैपनि आपदा राहतलाई राजनीतिक विचारहरूको आधारमा तय गर्नु संघीय संरचनाको भावनाको विपरीत हो। उनले केन्द्र सरकारलाई यस विषयमा गम्भीरतापूर्वक विचार गर्न, सबै राज्य र नागरिकहरूलाई समान व्यवहार गर्न र आफ्नो संवैधानिक दायित्वहरू पूरा गर्न आग्रह गरे।

यो उल्लेखनीय छ कि केन्द्र सरकारले 30 जुलाई 2024 मा वायनाड जिल्लाको चूरालमाला र मुन्डक्काई क्षेत्रमा गएको विनाशकारी पैह्रोबाट प्रभावित क्षेत्रहरूलाई समय-समयमा आर्थिक सहायता जारी गरेको छ। केन्द्रिय मन्त्रीहरूको नेतृत्वमा रहेको उच्चस्तरीय समितिले नेशनल डिजास्टर रेस्पोन्स फण्डबाट लगभग ₹260.56 करोड़ रूपियाँ स्वीकृत गरेको छ। यसका साथै केन्द्रले ₹529.50 करोड़को विशेष सहायता प्याकेज स्वीकृत गरेको थियो। यस सहायता बाहेक केन्द्रले पैह्रोलाई गम्भीर प्रकृतिक आपदा मान्यो, जसले यसलाई राष्ट्रिय आपदा राहतको विषय बनाएको छ।

हिन्दुस्थान समाचार / भवानी थामी