यमुनानगर, 19 मार्च (हि.स.)। यमुनानगरकी एक विवाहित महिलाले आफ्ना सासू-ससुरामाथि गम्भीर आरोप लगाउँदै पुलिसमा उजुरी दिएकी छन्। उनले आफ्ना पति र परिवारका अन्य सदस्यहरूले दाइजोको लागि आफूलाई उत्पीडन र कुटपिट गरेको आरोप लगाएकी छन्। उनले आफ्नो देवरमाथि अनुचित व्यवहार गरेको र आफूसँग बलजफ्ती सम्बन्ध स्थापित गर्न खोजेको पनि आरोप लगाएकी छन्। उजुरीको आधारमा पुलिसले मुद्दा दर्ता गरी अनुसन्धान शुरु गरेको छ।

महिलाले पुलिसलाई बताइन्, उनको बिहे अप्रेल 2025 मा सहारनपुर निवासी समीरसँग भएको थियो। उनको परिवारले बिहेको समय मोटरसाइकल सहित पर्याप्त खर्च र अन्य समानहरू उपलब्ध गराएको थियो। उनको पति समीर, ससुरा अशरफ, सासू शबाना, देवर आसिफ, देवर मोसिन र भाउजू आसियाले उनलाई कार, सुनका गहना र नगदी ल्याउन दबाब दिएको आरोप छ। उनको माग पूरा नभएपछि उनलाई मानसिक र शारीरिक दुर्व्यवहार गरियो।

महिलाले आफ्नो पति लागूऔषध दुर्व्यसनी भएको र बारम्बार कुटपिट गर्ने गरेको पनि आरोप लगाएकी छन्। यसैबीच उनका देवर आसिफले उनीसँग बारम्बार अभद्र व्यवहार गऱ्यो र एक पटक उनीमाथि बलजफ्ती सम्बन्ध बनाउने प्रयास गऱ्यो। उनले प्रतिरोध गर्दा उनलाई धम्की दिइयो। पुलिसले उनका पति सहित सबै नाम उल्लेख गरिएका अभियुक्तहरू विरुद्ध विभिन्न धाराहरू अन्तर्गत मुद्दा दर्ता गरेको छ। अधिकारीहरूले अनुसन्धान जारी रहेको र प्रमाणको आधारमा थप कारबाही गरिने बताएका छन्।

हिन्दुस्थान समाचार / भवानी थामी