धर्मशाला, 20 मार्च (हि.स.)। कांगडा जिल्लाको पालमपुर पुलिस थानाले 10 जनवरी 2026 मा पालमपुर पुलिसले जफत गरेको 35 ग्राम लागुऔषध मुद्दामा अन्य दुई प्रमुख तस्करहरूलाई पक्राउ गरेको छ। अब यस मुद्दामा पक्रा परेका आरोपीहरूको संख्य चार पुगेको छ। पुलिसले यस मामिलामा अब अन्य दुई प्रमुख संदिग्धहरूलाई पक्राउ गरेको छ: जसमा हिमाचल प्रदेशको कांगडा जिल्लाको पालमपुरको तहसील रोडी डाकघर ठाकुरद्वारा गाउँ निवासी राय सिंहको छोरा इन्द्रजित सिंह (32) र रमेश ठाकुरका छोरा शिव ठाकुर (32) वार्ड नम्बर 1, गाउँ र डाकघर गुग्गा सलोह, तहसील पालमपुर, जिल्ला कांगडाका निवासी सामेल छन्।

ज्ञात होस्, 10 जनवरीमा जिल्ला कांगडाको तहसील पालमपुरको रोडी गाउँ निवासी सुभाष चन्द बरयालका छोरा आदित्य बरयाललाई रोडी गाउँ नजिकै 35 ग्राम हेरोइन सहित रंगेहात पक्राउ गरिएको थियो। उ विरुद्ध पालमपुर थानामा लागूऔषध तथा मादक पदार्थ अधिनियम अन्तर्गत मुद्दा दर्ता गरिएको थियो। व्यापक सोधपुछ, प्राविधिक विश्लेषण र लेनदेन इतिहासको जानकारीको आधारमा पुलिसले एक महत्त्वपूर्ण सुराग प्राप्त गर्यो कि अभियुक्तले बरामद हेरोइन पञ्जाबको लुधियानाको ताजपुर रोडको इन्दिरापुरी, घर नम्बर 1966, स्ट्रीट नम्बर 4 निवासी बलजिंदर सिंहका छोरा लक्ष्य पठानियाबाट प्राप्त गरेको थियो।

थप कारबाही गर्दै पुलिसले गत 16 मार्चमा साँझ मुख्य तस्कर लक्ष्य पठानियालाई पालमपुरबाट पक्राउ गर्यो । उसित गरिएको सोधपुछको आधारमा फरार रहेका अन्य दुई प्रमुख अभियुक्तहरूलाई पनि पालमपुरबाट पक्राउ गरियो र उनीहरू विरुद्ध थप कारबाही भइरहेको छ।

हिन्दुस्थान समाचार / भवानी थामी