वाराणसी, 20 मार्च (हि.स.)। उत्तर प्रदेशमा वाराणसी जिल्लाको भोजुबीर स्थित उदय प्रताप महाविद्यालय (यूपी कलेज) मा शुक्रवार बीएससी चतुर्थ सेमेस्टरको छात्रलाई कला एवं सामाजिक विज्ञान संकायको बरन्डामा गोली दागेर आक्रमणकारीले आफ्नो पेस्तोल फालेर भाग्यो। छात्रलाई गम्भीर अवस्थामा बीएचयू ट्रामा सेन्टरमा भर्ती गरिएको छ।

सूचना पाएपछि शिवपुर पुलिसको साथ पुलिस कमिश्नर र अन्य अधिकारीहरू घटनास्थलमा पुगे। घटनाप्रति छात्रहरूको आक्रोश देखेर क्याम्पसमा थप सुरक्षाकर्मी तैनाथ गरिएको छ। घाइते छात्रको पहिचान कपसेठी निवासी सूर्य प्रताप सिंह (23) को रूपमा गरिएको छ। पुलिस उप महानिरीक्षक (डीआईजी) शिवहरि मीनाले छात्रलाई अस्पतालमा भर्ती गरिएको र योग्य डाक्टरहरूको टोलीको निगरानीमा उपचार भइरहेको बताए।

छात्रहरूले आक्रमण गर्ने अभियुक्त छात्र शिवपुर चाँदमारी निवासी मनजीत चौहान भएको खुलासा गरेका छन्। विशेष अपरेशन समूह (एसओजी) लगायत धेरै पुलिस टोलीहरूले अभियुक्तलाई पक्राउ गर्न छापा मारिरहेका छन्।

हिन्दुस्थान समाचार / भवानी थामी