नयाँ दिल्ली, १७ अप्रेल (हि.स.)। प्रधानमन्त्री मोदीले आज पूर्व प्रधानमन्त्री चन्द्रशेखरको जयन्तीमा उनको स्मरण गर्दै श्रद्धाञ्जली अर्पण गरेका हुन्। प्रधानमन्त्री मोदीले एक्समा लेखेका छन्, “यस वर्ष पूर्व प्रधानमन्त्री श्री चन्द्रशेखरजीको १००औँ जन्मजयन्ती वर्षको शुरुवात भइरहेको छ। यो समृद्ध र न्यायपूर्ण भारतको उहाँको सपनालाई साकार पार्ने हाम्रो प्रतिबद्धतालाई पुनः दोहोर्याउने अवसर हो। श्री चन्द्रशेखरजीलाई एक साहसी, दृढ़ विश्वास भएका र लोकतान्त्रिक मूल्यमान्यताप्रति गहिरो निष्ठा भएका जननेताको रूपमा सम्झिन्छौं।”
उनले थप लेखेका छन्, “भारतको माटोसँग गहिरो रूपमा जोडिएका र सर्वसाधारण नागरिकका आकांक्षाप्रति संवेदनशील चन्द्रशेखरजीले सार्वजनिक जीवनमा सादगी र स्पष्टताको सन्देश दिनुभयो। मलाई उहाँसँग भेट्ने र राष्ट्रको विकाससम्बन्धी विषयहरूमा विचार आदानप्रदान गर्ने अवसरहरू अझै पनि सम्झना छ। म भारतका युवाहरूलाई उहाँका विचार र प्रयासबारे बढीभन्दा बढी अध्ययन गर्न आग्रह गर्दछु।”
---------------
हिन्दुस्थान समाचार / भवानी थामी
