घाटाल, 30 अप्रेल (हि.स.)। पश्चिम मेदिनीपुर जिल्लाको चन्द्रकोणा नगरमा बिहीवार अपरान्ह चट्याङ्ग लागेर दुई जना श्रमिकहरूको मृत्यु भयो भने एकजना गम्भीर रूपमा घाइते भए। मृतकहरूको नाम क्रमैले साहाबुद्दीन मण्डल (55) र लिटन मण्डल (37) रहेको छ। दुवै नै माधवपुर क्षेत्रका निवासी रहेको बताइएको छ। यस घटनामा काजल मलिक नामक अर्को श्रमिक गम्भीर रूपमा घाइते भएका छन् जसलाई अस्पतालमा भर्ती गरिएको छ।

जानकारी अनुसार चन्द्रकोणा नगरको तीन नम्बर वार्डस्थित माधवपुर क्षेत्रमा तीन जना श्रमिकहरूले रूख काट्ने काम गरिरहेका थिए। त्यसै अवधि अचानक घना वर्षासितै वज्रपात भयो। वज्रपातको चपेटमा परी दुई जना श्रमिकहरू गम्भीर रूपमा घाइते भए। घटनापछि स्थानीय मानिसहरूको सहयोगमा तीनैलाई तुरून्त चन्द्रकोणा ग्रामीण अस्पतालमा लगियो जहाँ चिकित्सकहरूले साहाबुद्दीन र लिटनलाई मृत घोषित गरियो। घटनापछि क्षेत्रमा शोक व्याप्त भएको छ।

पुलिसले दुवै शवलाई कब्जामा लिएर परीक्षणको लागि पठाइदिएको छ।

हिन्दुस्थान समाचार / उष्णता छेत्री शर्मा