गुवाहाटी, 08 अप्रेल (हि.स.)। कथित विवादास्पद बयानलाई लिएर चुनावी माहोलबीच असममा राजनीतिक गतिविधि तीव्र भएको छ। राष्ट्रिय स्वयंसेवक संघ (आरएसएस) को उत्तरी असम र दक्षिणी असम एकाइहरूले कांग्रेस अध्यक्ष मल्लिकार्जुन खरगे विरुद्ध पुलिसमा उजुरी दर्ता गरेका छन्।
गुवाहाटीको दिसपुर पुलिस थाना र सिलचर पुलिस थानामा छुट्टाछुट्टै उजुरी दर्ता गरिएको छ। दक्षिणी असमको श्रीभूमि जिल्लाको करीमगञ्ज दक्षिण विधानसभा क्षेत्रको नीलम्बजारमा चुनावी र्यािलीमा दिएको खरगेको भाषणमा धार्मिक भावना र राजनीतिक संगठनहरूबारे अपमानजनक टिप्पणी गरिएको आरएसएसको आरोप छ।
उजुरीमा खरगेले आरएसएस र भाजपाको विचारधारालाई विषालु सर्प सँग तुलना गरेको र उनीहरू विरुद्ध कठोर भाषा प्रयोग गरेको दाबी गरिएको छ। आरोप छ कि भाषणमा एउटा उदाहरण उद्धृत गरिएको छ कि यदि कुनै खतराको सामना गर्नु पऱ्यो भने यसलाई पहिले समाप्त गर्नुपर्ने सुझाव दिइएको छ, जसलाई आरएसएसले उत्तेजक र संवेदनशील बताएको छ।
भारतीय जनता पार्टी र आरएसएसले दर्ता गरेका उजुरीहरूमा चुनाउको मौसममा यस्ता बयानले सामाजिक सद्भाव र साम्प्रदायिक सन्तुलनमा असर पार्नसक्ने भनिएको छ। यस्ता टिप्पणीहरूले राजनीतिक कार्यकर्ता र समर्थकहरूमाझ शत्रुता र तनाव बढ़ाउन सक्ने उल्लेख छ।
एफआईआरमा जनप्रतिनिधित्व अधिनिय, 1951 को प्रावधान अन्तर्गत उक्त बयानले आपत्तिजनक चुनावी आचरणको गठन गर्नसक्ने पनि उल्लेख छ। यसले सार्वजनिक शान्तिलाई खलल पार्ने र विभिन्न समुदायहरूबीच तनाव सिर्जना गर्ने पनि बताइएको छ।
आरएसएसले यस विषयमा प्रशासनबाट तुरुन्त र निष्पक्ष कारबाहीको माग गरेको छ। लोकतान्त्रिक व्यवस्थामा अभिव्यक्ति स्वतन्त्रता महत्त्वपूर्ण छ तर सामाजिक सद्भावलाई असर गर्ने भाषाको प्रयोगलाई चुनावी मञ्चहरूमा अनुमति दिनु हुँदैन भनिएको छ।
हाल यस विषयमा कांग्रेस पार्टी वा मल्लिकार्जुन खरगेबाट कुनै आधिकारिक प्रतिक्रिया आएको छैन। प्रशासनले उजुरीहरू प्राप्त भएको र थप अनुसन्धान शुरु गर्ने बताएको छ।
हिन्दुस्थान समाचार / भवानी थामी
08 Apr 2026