पूर्वी सिंहभूम, 02 मई (हि.स.)। हालैमा हजारीबागमा राज्यका स्वास्थ्य मन्त्री इरफान अन्सारीका समर्थकहरूद्वारा पत्रकारहरूसित कथित रूपमा दुर्व्यवहार तथा कुटपिट गरिएको घटनाको विरोधमा शनिवार प्रेस क्लब अफ जमशेदपुरको ब्यानरमा जमशेदपुरमा व्यापक विरोध प्रदर्शन गरियो। यस विरोध प्रदर्शनमा ठूलो सङ्ख्यामा शहरभरिका पत्रकार एवं मीडिया कर्मीहरूले सामेल भएर घटनाको विरोधमा कड़ा आक्रोश व्यक्त गरे।

प्रेस क्लब अफ जमशेदपुरको नेतृत्वमा सबै पत्रकारहरू एकजुट भएर उपायुक्त कार्यालयमा पुगे अनि राज्य सरकारको विरोधमा आफ्नो असन्तुष्टि दर्ता गराए। यस अवधि उपायुक्त राजीव रञ्जनलाई पत्रकारहरूले ज्ञापन पनि चढ़ाए।

पत्रकारहरूले स्वास्थ्य मन्त्री इरफान अन्सारीसित घटनालाई लिएर तत्काल पत्रकार समाजसित सार्वजनिक रूपमा माफी माग्ने माग गरे। प्रदर्शनकारीहरूको भनाइ थियो, यदि मन्त्रीले चाँड़ै माफी नमागे यो विरोध जमशेदपुरसम्म मात्र सीमित रहनेछैन जबकि राज्यभरि नै चरणबद्ध ढङ्गमा आन्दोलन गरिनेछ।

प्रेस क्लब अफ जमशेदपुरका अध्यक्ष मनोज सिंहले प्रदर्शन अवधि भने, लोकतन्त्रको चौथो स्तम्भ मानिने पत्रकारहरूसित यस किसिमको व्यवहार अत्यन्त निन्दनीय छ। उनले आरोप लगाए, पत्रकारहरूले मन्त्रीसित प्रश्न सोध्ने प्रयास गर्दा उनका समर्थकहरूले अभद्र व्यवहार गरे साथै कुटपिट पनि। उनले भने, यो एकजना पत्रकारमाथि मात्र हमला नभएर सम्पूर्ण पत्रकारिता र अभिव्यक्तिको स्वतन्त्रतामाथि हमला हो।

मनोज सिंहले भने, घटनापछि अहिलेसम्म राज्य सरकार एवं मुख्यमन्त्रीको पक्षबाट कुनै ठोस कारबाही गरिएको छैन जसबाट पत्रकारहरूमा असन्तुष्टि बढ़ेको छ। उनले चेताउनी दिए, यदि दोषीहरूविरूद्ध कारबाही गरिएन भने तथा मन्त्रीले माफी मागेनन् भने प्रेस क्लबले राज्यभरिका पत्रकार सङ्गठनहरूसित मिलेर ठूलो आन्दोलन गर्नेछ।

हिन्दुस्थान समाचार / उष्णता छेत्री शर्मा