नागाँव (असम), 26 मई (हि.स.)। नागाँव जिल्लाको मरिकलङ क्षेत्रमा भएको डकैतीमा संलग्न एक डकैत पुलिससँगको भिडन्तमा मारिएको छ।

पुलिसले मंगलबार बताएअनुसार, मरिकलङ डकैतीमा संलग्न अन्य एक डकैत लखीमपुर शहरको थाना रोड निवासी खैरुल उर्फ मणि हिजो राति अर्को डकैती गर्ने योजना बनाएर नागाँव आएका थिए। जानकारी पाएपछि पुलिस टोली घटनास्थलमा पुग्यो।

जिल्लाको राडलुर बरकन्दली क्षेत्रमा पुलिसले डकैत खैरुललाई आत्मसमर्पण गर्न भन्यो। तर, खैरुलले पुलिसमाथि गोली चलाए। जवाफमा पुलिसले पनि गोली चलाउँदा उनी गम्भीर घाइते भए। उनलाई गम्भीर अवस्थामा उपचारको लागि अस्पताल लगिएको थियो, जहाँ डाक्टरहरूले उनलाई मृत घोषित गरे।

पुलिसले डकैतबाट ७.६५ एमएमको पेस्तोल र डकैतीमा प्रयोग गरिएको हतियार बरामद गरेको छ। पुलिसले शवलाई नियन्त्रणमा लिएर पोस्टमार्टमको लागि अस्पताल पठाएको छ। पहिले दर्ता गरिएको एफआईआरको आधारमा पुलिसले घटनाको जॉंच गरिरहेको छ।

हिन्दुस्थान समाचार / भवानी थामी