गान्तोक, 16 जून (हि.स.)। मुख्यमन्त्री प्रेमसिंह तामाङ आज परम पावन १७औं ग्यालवाङ कर्मापा उगेन थिन्ले दोर्जीको जन्मोत्वसको पवित्र एवं शुभ अवसरमा रुम्तेक गुम्पामा आयोजित समारोहमा सहभागी बने। उक्त समारोह १२औं गोश्री ग्यालत्साब रिम्पोछेको उपस्थितिमा सम्पन्न गरिएको थियो।
मुख्यमन्त्री तामाङले आज सामाजिक सञ्जालमा परम पावन १७औं ग्यालवाङ कर्मापा उगेन थिन्ले दोर्जीको जन्मोत्सवको पवित्र एवं शुभ अवसरमा प्रार्थना गर्न र आशीर्वाद लिन रुम्तेक गुम्पाको भ्रमण गर्ने सौभाग्य प्राप्त भएको बताएका छन्। उनले परम पावन १७औं कर्मापाको दीर्घायु, सुस्वास्थ्य र निरन्तर आध्यात्मिक ज्ञानको कामना गर्दै सबै संवेदनशील प्राणीहरूको शान्ति, सद्भाव र कल्याणको लागि प्रार्थना गरे।
मुख्यमन्त्रीले भने, 'धर्मको कालातीत शिक्षाले हाम्रो जीवनलाई उज्यालो बनाइरहोस्, हामीलाई करुणा, बुद्धि र विश्वव्यापी भ्रातृत्वको भावनातर्फ निर्देशित गरोस्। हामी सधैं यी महान मूल्यहरूलाई कायम राख्न प्रयास गरौं तथा अझ सामंजस्यपूर्ण र करुणामय संसार सिर्जना गर्न योगदान पुर्याउन सकौं।'
हिन्दुस्थान समाचार / बिशाल
16 Jun 2026
