नैनीताल, 17 जून (हि.स.)। उत्तराखण्डका राज्यपाल सेवानिवृत्त लेफ्टिनेन्ट जनरल गुरमित सिंहले बुधवार नैनीताल जिल्लाको देवस्थलस्थित आर्यभट्ट रिसर्च इन्स्टीट्यूट अफ अब्जर्भेशनल साइन्सेज (एरीज)-को भ्रमण गरे।

उनले भने, एरीज आधुनिक भारतको वैज्ञानिक क्षमता, नवाचार औ आत्मनिर्भरताको सशक्त प्रतीक हो भने यसले अन्तरिक्ष विज्ञान एवं खगोलीय अनुसन्धानको क्षेत्रमा देशलाई वैश्विक पहिचान दिलाउनमा महत्वपूर्ण भूमिका निभाइरहेको छ। उनले विज्ञानलाई प्रयोगशालासम्म मात्र सीमित नराखेर समाजको प्रत्येक वर्गसम्म पुऱ्याउने अनि विद्यार्थीहरूमा वैज्ञानिक दृष्टिकोण विकसित गर्नेमाथि बल दिए।

राज्यपालले भने, देवस्थलस्थित वेधशाला वैज्ञानिक साधना एवं ज्ञान सृजनको महत्वपूर्ण केन्द्र हो। उनले यहाँस्थित एशियाको सबैभन्दा ठूलो 3.6 मीटर व्यास भएको देवस्थल अप्टिकल टेलीस्कोपलाई भारतका वैज्ञानिक उपलब्धि एवं आत्मविश्वासको प्रतीक हताउँदै ताराहरूको निर्माण, सुपरनोवा, ब्ल्याक होल एवं अन्य खगोलीय विषयहरूमा एरीजले गरेको अनुसन्धानको सराहना गरे।

उनले वैज्ञानिकहरू, शोधकर्ताहरू, इञ्जीनियरहरू औ कर्मीहरूको योगदानको प्रशंसा पनि गरे। उनले भने, कृत्रिम बुद्धिमत्ता, डाटा विश्लेषण तथा डिजीटल तकनिक भविष्यको विज्ञानका आधारशिला हुन्। उनले देवस्थल वेधशालाले उत्तराखण्डमा खगोलीय पर्यटनका सम्भावनाहरूलाई प्रेरित गर्ने बताए।

हिन्दुस्थान समाचार / उष्णता छेत्री शर्मा