खरसाङ, 29 जून (हि.स.)। खरसाङ नगरपालिकाद्वारा खरसाङ बजारको हाट बजार क्षेत्रका 123 पसलेहरूलाई 15 दिनभित्र आफ्नो पसल खाली गर्न सूचना जारी गरेपछि यसको विरोधमा दोस्रो दिन पनि दोकानहरु बन्द रहेको छ।

आइतवार र सोमवार पसलहरुले दोकानहरु बन्द गरेर सोमवार खरसाङ हाट बजार व्यवसायी संगठनको तर्फबाट नगरपालिकामा ज्ञापन पत्र बुझाउन गएका थिए। खरसाङ हाट बजार व्यवसायी संगठनका सभापति राजु सेवा र सचिवको अगुवाईमा दोकानेहरु नगरपालिकामा ज्ञापन पत्र बुझाउन गएका थिए। तर, नगरपालिकामा नगरपालिका प्रशासक छुट्टीमा गएको र उनको स्थानमा रहेका अधिकारी पनि ट्रेनिङमा गएकाले ज्ञापन पत्र बुझाउन नसकेको सभापति सेवाले बताए।

उनले बताए अनुसार, दोकानेहरुले अब मंगलवार पनि नगरपालिकामा गएर ज्ञापन पत्र बुझाउने योजना छ।

हिन्दुस्थान समाचार / हनोक