गान्तोक, 29 जून (हि.स.)। मुख्यमन्त्री प्रेमसिंह तामाङले आज आफ्नो सरकारी निवासमा नेपालकी व्यावसायिक फुटबल खेलाडी प्रीति राई र सिक्किमको टाशीदिङकी प्रतिभाशाली फुटबल खेलाडी प्रिया छेत्रीसँग भेट गरे। उनले सामाजिक सञ्जाल फेसबुक पोस्टमा आज उक्त जानकारी दिएका छन्।

मुख्यमन्त्रीले दुई प्रतिभाशाली फुटबल खेलाडीहरूसँग भेट गर्न पाएकोमा खुशी व्यक्त गरेका छन्। उनीहरूको फुटबलप्रतिको लगाव, समर्पण र उपलब्धिहरू साँच्चै प्रेरणादायी रहेको उनले उल्लेख गरेका छन्।

मुख्यमन्त्रीले उनीहरूको आगामी यात्रा अझ सफल रहोस् भन्ने शुभकामना व्यक्त गर्दै भविष्यका सबै प्रयासहरूमा हार्दिक सफलताको कामना गरेका छन्।

---------------

हिन्दुस्थान समाचार / बिशाल